(المنتدى وجه القبيله)

[poem=font=",7,indigo,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سر ياقلم واكتب لنا قاف محبوك=فكره سليمه من منابع سليمه
بين البنان امرك وانهاك يادوك=عندك بنات الفكر واختار ريمه
لاقمت اسطر صافي الشعر بالبوك=اورّده بحر المعاني الحكيمه
المنتدى وجه القبيله وانا اخوك=ماهو لطرح افكار باتت عقيمه
اللي اسسوا ذا الصرح ناسٍ يعزوك=يابوا لك العليا وسمعه كريمه
اياك لاقاموا بنصحك وينهوك=يرجع اسلوبك مثل عادة حليمه
لاتخالف شروطٍ عليها يدلوك=واللي يخالف دوم ياخذ قسيمه
لاجيت باداب وتواضع يحبوك=مااحدٍ مع العاقل يسوي شكيمه
اما تكون بطايب العلم مشروك=والا تغادر بالعلوم السقيمه
واللي يقولوا غير هذا يغشوك=وين النديم اللي يصافي نديمه
اللي يحطوا براحة ايدينك الشوك=لاتكون بيد الغير عامل خصيمه
في موقف الاحراج احذر يحطوك=لاتسير لنسور الولايش وليمه
اذا تسب الناس من دون ياذوك=ظليمةٍ ياكبرها من ظليمه
اعقل وخلك سيد القوم لاجوك=كب المراهق والعلوم اللئيمه[/poem]