نزولا ً عند رغبة الكثيرين في وجود هذه القصيده على الأنترنت ، لذلك قررت أن يشاهدها القراء حصريا ً على شبكة قبائل الحويطات ..
الحزن في داخل فؤادي حقيقه
ماني من اللي حزنهم لعب وفنون
وبداية الأحزان عندي شقيقه
عجز الأطباء عنّها لايداوون
نسعى لها فالطب نمشي بطريقه
ألين مانادوا عليها يصلون
من بعدها صارت حياتي رقيقه
صابر وغصب إلا المدامع يهلون
وعيني أحلفت ماهيب تصبر دقيقه
لاقالوا فلان ٍ !! توفى يقولون
في وقتها تصبح عيوني غريقه
لامن طرى فالبال ناس ٍ يهمون
هذا ولد عم ٍ وهذا رفيقه
وهذا من اللي بالمعزه يحبون
غوالي مثل الماس زايد بريقه
خلوا فؤادي دوم بالحزن مسكون
هاذي الحقيقه وحزني أكبر حقيقه
وأطلب من الله ماتيسر من العون
من قبل وأحزاني ماهيب صديقه
وصارن من اللي من همومي يواسون
وتقبلوا جلّ إحترامي ..
عبدالعزيز الرقابي ..
الحزن
العرض العادي
