ألا ياصاحبي عذرا ً

على حس الأمل نحيا وعلى حسه نعيش أحباب
وعلى شاطي بحر هادي أسطـر به مُعاناتي

بديت وخاطري بكلمه أدونها بسطر فكتاب
تخفف بالصدر ضيقه وتصبح أسعـد أوقاتي

وورده رائعه هيه ويبهـر حِسنها الجذاب
يخلي فالقلم روعه وتسكن وسط أبياتي

ألا ياصاحبي عـذرا ً إذا زاد الزعـل بعتاب
لْكِني ماقويت أترك حروفي تغـص بآهاتي

سؤالي مر بك ينشد عن جُمله وبعض إعجاب
ياليتك بس تجاوبني وتصـدق فـي مُحاكاتي

ورود الشعر تبكيني وزهري يطلب الأصحاب
ياأوفى رفقه بعمـري ولـو طالت مسافاتي

رياحين وزهر عطرك معاها الفُل والعناب
تحلق في سما فكري وتسكن فـي مساحاتي

مساحة فكري الصافي وإحساسي لها طلاب
مساحه من بحر أشواق تغادر فـي كتاباتي

ورود الشعر في يديني تشرع للحزن أبـواب
يجي يمنه يجي يسره ويغادر ساعه ويآتي

ترى ابراجي مساكنها قصيد وللحزن سرداب
ويسكن داخل أعماقي ويحكي عـن هواياتي

وعاش الحزن في شعري ولا أظنه تعب أو ذاب
ولا أظنه نسى حتى وصيه مـن وصياتي

لو أتغادر أيا حزني ترى الهامي بعـد ماغاب
يبي مني غزل وأشواق ويبحر فـي عتاباتي

تقبلوا فائق إحترامي
عبدالعزيز الرقابي
مجلة زهرة الخليج العدد1553
27/12/2008