مساجلة ..سايق الباص..

سايق الباص

حدتني القدرة على سياقة الباص ==== درب المعيشه سار فيه اهتمامــي


الامر تم ولابقى منه مخــلاص ==== يوم تكلفـت وغــدى فـي استلامــي


ماهي قضيه لكن الموت الاشخاص ==== شلة عذارى جعلهن للهدامـــي


عانيت معهن واعتبرها لي (.....) ==== سطيت في حقي كثير ومقامــي


من عقب مانــي فالمراقيب قناص ==== اليوم معهن ماشي باحترامــــي


ومن عقب ماني فالمكاشيت بالشاص ==== اليوم خط البير حطم اعزامي


حتــى تليفوني وجـوالي الخـاص ==== ابدا ابد ماراح امره سلامــــي


معهن ومحفوظ على سايق الباص ==== واول وانا اسمي رفيق المظامي


دخلت معــهــن درب كله ترباص ==== هذا وانا جال الينابيع ظامــــي


واول وانا مابين سمحين الاشناص ==== عنهم غديت اليوم بين العتامــي


حدتني الدنيا وانا خافقــي عاص ==== ماهو بباغي لكن امرن لزامــي


بترك تحياتــي على طارة الباص ==== واقول يانفســي كفايه ملامـــي

قصيدة الشاعر:
رفيق المظامي


وهذا الرد على هذه القصيدة


لاضاقت الدنيا ترى فيه مخلاص ==== إلجأ لرب الكون منشي الغمامي


يرزق ببره والذي بالبحر غاص ==== الواحـد المعــبود رب الانامـــي


لكن اشوفك قاسي بحق الاشخاص ==== الصقر ماشفناه عاف الحمـامي


لو كنت ذقت من الهـوى هفة قلاص ==== تلقـاك شفـقان لرد السلامــي


عسى يصيدون الذي كان قناص ==== ويشوف نور البدر عقب الظلامــي


وينقاد قلب عن طريق الهوى عاص ==== قود العسيف اللي تقود الجهامي


انهارنا حلوة حلا تمر الاخلاص ==== والمي واجد وانت هاوي الصيامي


بيدك تخير بالورق ديمن وهاص ==== حيث انت سابق بالعلوم الحشامـي


ليت الذي حــدك على سياقة الباص ==== يحد في دربك ظبي العدامــي


الجايزه للي يدخلك الاقــفـاص ==== لاتخاف ازورك باغــلب ايام عامـي


وتتصادر البندق ويتصادر الشاص ==== ونطلعك معنا بالكفاله اشمــامـي


اكسب بقايا العمر والعمر بنقاص ==== الطير له موقاع بعد الحــيامــي

ابو ريان