"عـــصــــر الـــغــــلا"

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
انتهى عصر الغلا واللي بقى عشرة مصالح=والوفا ماله بهذا الوقت يابن العـم سيـره
والعرب سودا قلوب ومابقا في الوقت صالح=بعد ماودع ولد شداد سيفـه فـي جفيـره
والبحر مايسقي العطشان لان البحر مالـح=وكل سر ياعريب الجد خلـه وسـط بيـره
صاحبي يالحزن خلك في الحشا والليل كالح=بعد ماعزيت نفسي في هوى نوف وسميره
مالي الا رفقتك لاسار هـذا الوقـت طالـح=انت ابن عمي واخوي وصاحبي في كل ديره
يوم انا محتاج قلب به حنان ووجـه فالـح=اقست الدنيا علي وقلـت يـارب الستيـره
والرجال اللي تحسب المرجله رزت مشالح=علموها ان المشالح ملبس شيوخ العشيـره
بعد ماقفى زمان ذياب واقفى وقـت شالـح=القمر ماله حلا والشمس ماسـارت منيـره[/poem]