(الدنيـــــــــــــــا تجـــــــــــارب)

[frame="1 98"]
[poem=font=",6,black,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]


الاهداء في شبكة الحويطات لشاعرنا واستاذنا/مسلــــم بن عــواد العمـــــــــيري

الدنيا تجارب والعرب تضرب امثال=ومن قبلنا باعوا النصايح ويشرون
واسأل مجرب شالها اخفاف واثقال=دنيا تقلب مابها شي مضمون
كم جننت دنياك من ناس عقال=وكم حكمة(ن)قيلت على لسان مجنون
ومادامت الدنيا لها طبع رحال=ولو دامت الاموال دامت لقارون
ونص العرب يصبح صديقك على المال=وبعد عن اللي عشرته(سيرمدهون)
وبالشكل لا تحكم على زين الاشكال=نص البشر شايل على الكتف(بالون)
وبالهرج عندك لاحكى شخص نقال=اطرد رسول ابليس وابليس ملعون
لاتسمع النمام والقيل والقال=اللي حكوا عندك تـــرى فيك يحكون
عصر الحضاره وان بقى ناس جهال=ومادام لك صاحب ترى اعداك مليون
واحرص على صحبة ولد طيب الخال=اللي تشرف صحبته لو يقولون
صديقك اللي مسندك كل الاحوال=كل بقرينه يابن الاجواد مقرون
والخيرواهل الخير في كل الاجيال=وطيب الفتى يبقى ولو كان مدفون
واول قراك الضيف دله وفنجال=وحي الرجال اللي على البيت يلفون
ولاصارراعي البيت(عالدف طبال)=اهله على دقه تراهم يدقون
ولوتشتغل من جور الايام(زبـال)=اخير من قولك للانذال(تكفون)
وكم واحد(ن)لوخلفته كلها عيال=يطلب من المولى عساهم يموتون
تلقى بعضهم تالي الليل جوال=(يارب تصلح)لاصحينا ينامون
ولايستحي من قولته عطني (ريال)=ولاهمه من ابوه لو مات مديون
يعجبك شكله لاكشخ (ثوب وعقال)=والمشله شكل(ن)على غير مضمون
وبالفقر مات الشخص(لاعاش محتال)=ونص البشر في رغدة العيش مفتون
وكم واحد(ن)مغرور بالوقت مختال=ودي اذكر واكثر الناس ينسون
تم الجواب اللي على (قافية آل)=ويرحمني اللي خالق ادم وذا النون

محافظــــــــــــــة حـــــــــــــقل 1999م



[/poem]
[/frame]