[poem=font=",6,darkblue,normal,normal" bkcolor="transparent" bkimage="" border="solid,4,orange" type=0 line=1 align=center use=ex num="0,black""]
ماريّـة فينـي مـن الوقـت منهـاش=وجوا ضميري شـي ينهـش نهاشـه
ينهش وهشش ماانبنى داخل الجـاش=ويقرش قريش المعتجـل فـي قراشـه
جوا ضميري لـه وشيـش وخرفـاش=سـوى بريضـان الضمايـر لبـاشـه
لانيـب درويـش ولانيـب قــراش=وبالـزوم الشيـن مـحـلا بـلاشـه
اللي يجي من ماش يمشي على مـاش=وراع المعـاش الله يكـثـر معـاشـه
وكـل علـى مـاراد للـرزق يعتـاش=وعمر كتبـه الله علـى العبـد عاشـه
ومن لاطمع للعـز والجـود ماعـاش=ماعـاش لـو انـه وزيـر وبـاشـه
مما جرى راسـي مشـوش ومنـداش=ممـا جـرا بالوقـت فيـه اندواشـه
وياشوش راسي شوشة الجمس لاشاش=فـي يـد منهـو لايـع الفقـر ناشـه
حده زمان الفقـر عالفقـر وانحـاش=ولاشاف من جـور الليالـي بشاشـه
هواه فـي جمـس وبنـدق ورشـاش=ويعطي عضام اللـي يحـده دشاشـه
وقت يجي صادق ومليون غشاش=والصادق المضيوم محد بداشه
الشيـن مـردوده علـى لحيـة الاش=حيثـه لهـا لاجـت يفـرش فراشـه
ولا عزيـز النفـس للعـز شــواش=يرخـص لعكفـان الشـوارب كباشـه
نوب تجي بالديـن واحيـان بالكـاش=ونوب يجي وسـط الامـور انعراشـه
السم لـه حـاوي وللشـوك منقـاش=واللـي يحـوش العـز باليـد حاشـه
احد يحوش السمـر والاخـر قحـاش=كـل مـن الدنيـا يقحـوش قحاشـه
والله علـى روض ينغـوش تنغـواش=راع الدبـش وسطـه يضيـع دباشـه
يطيش عشبه طيشة المـوج لاطـاش=واطش به خافـق يطشّـش طشاشـه
والجو شاتي وابتدى الوبـل برشـاش=وصارت علينا مـن كرمهـا غباشـه[/poem]
مارية فيني من الوقـت منهاش000\
العرض المتطور
