((عــــود عــلـىالـشـبــــاك دمــعــه يـبــــاريـــــه\\\\00!

[poem=font=",6,,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
قلبي تحطم واصبح الهم يرميه=من نضرة كثرت همومي بعدها
عودٍ على الشباك دمعه يباريه=يبكي كما خلفه راحوا بولدها
قمت اناضر له وعيني تراعيه=وقلبي ركز بين الضلوع وكسرها
عبر عن الماضي بدمعة جرت فيه=وضاقت به الدنيا وكثرت عوجها
سنه كبير ومالقى من يخاويه=وماتت عجوزه وارتمى من بعدها
ماله أمل غير ابنه اللي هقى فيه=انه يفرج علةٍ به ضهدها
بس للأسف حتى الولد مابلش فيه=ماسكنه بالديره اللي رغبها
سكنه في بيت طويله مبانيه=وكثرت امراضه والمدينه سببها
واليوم جرح العود من هو يداويه=عميت عيونه والمراره شربها
ماله ونيس ولاحبيب مهاويه=الا دموعه من عيونه حدرها
مستعجل عمره يبي الموت يلفيه=ضاقت به الدنيا وضايق بحرها
يكفيك ياوقت كثيره بلاويه=ذوقتنا غبن الليالي وكدرها
نوب نبيع الوقت واحيان نشريه=واحيان تخلط مرها مع عسلها
يالله ياللي من طمع فيك ترجيه=انك تجنبنا المصايب واهلها
ياواحد معبود والرزق تعطيه=ياواحد معبود منزل مطرها[/poem]