بيني وبين خالي . . .

[poem=font=",6,green,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
مراده بيني وبين خالي الشاعر/سليم خضر المطره العميري


قصيدة خالي/
ياراكب اللي زاهيا بالاشده=عليه من قش الحميدات معلاق
خرجه جديد وافيه كل عده=ودويرع من الشرق طيب ولهاق
سنه رباع وافي الخمس عده=مثل السحاب ان صار يمطر وبراق
يلفي على العمران ربع المسده=مفطرين الضيف مع فك الارياق
تلقى فراشه زل فوقه مخده=ومعشرق الفنجال كادم غرناق
يرموا جزيل الضان والضيف قده=تشبع يمين الضيف من قبل مالاق
يانايف المقبول أسألك رده=يسألك خالك وانت بالرد مشتاق
ابسألك عن سيف يازين حده=والسيف الارخم لأسود الراس حلاق
وابسألك عن شيخ دوبك تشده=دايم مريض وكل عله بدرياق
مر الطبيب ويمه الشيخ وده=يمكن يطيب الشيخ ينجح من الداق
بيت انبنى (ع) الساس محد يهده=لو البحر زالتيه تمشيه بالساق
نسمع يقول عنيز من قبل مده=يالله تلعن دار زي دار برشاق
واسمع كلام الخال واحرص ترده=واكتب كلام الخال في بيض الاوراق[/poem]




ردي عليه/

[poem=font=",6,blue,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
يامرحبا بالخط واللي يعده=وحياك ياخال تولع ومشتاق
حيك عدد ماهيجنوا على الاشده=واعداد مابن تسويه ويساق
واعداد مايلقى مود موده=واعداد ماتلقى عن الضيق مدراق
قم يانديبي ماكتبناه وده=يم المطيري مع تحيات واشواق
اركب على اللي مشيته مجرهده=سابق ومع طول المسافات لحاق
حر عليه من الدناديش قده=ومنين ماسقته على يديك ينساق
كنه الشيهان يومك تهده=دلجه وثيق وكل ساق على ساق
يوصلك للي تقري الضيف يده=في ديرة يشرح بها الصدر لاضاق
في ديرة بربوعها مستبده=عسى السحايب تعتمدها وتنساق
تلقى الذي بالطيب دايم نعده=قله علمنا للعزيزين خفاق
قله بيوتي توها مستجده=وحلل المعنى على كيف مالاق
الطيب سيف والنشاما تحده=بين الرجال اللي يسنوه براق
وسيف الردى لاعاد منه يشده=مسود للراس ارخم وبواق
والحض سيور الليالي ترده=لابد تلقى له بديل ومنتاق
نمشي مع ضروف الزمن دون عده=برد وملابسنا خفيفات ورقاق
احد جفاه الضيق واحد يحده=واحد ضرير من العاويس مافاق
معلوم بيت العز محد يهده=لاصار سيسانه قويات ووثاق
ارمي على اللي ضامري يستوده=معنى وهو يرمي على شوف وحقاق
واللي نعرفه للمطيري نعده=ونحفضه داخل دواوين ووراق


وسلامتكم00[/poem]