الحنظله لوهي ...

[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
شعر مثـل يافاهميـن التماثيـل=كل يجي شعره بحسـب اقتـداره
من عاش ينظر بالسنين المقابيـل=يذوق من عقب البـروده حـراره
الطيب يخلق مع قلوب الرياجيـل=ماهوب في بنك التجـارة تجـارة
والرزق من عند الولي بالتساهيل=ماهـو بالقـوه ولا بالشـطـاره
من عاش في حيله وكذب وتهاويل=ياسرع من عقب الطلوع انحداره
والشور ماينفع قلـوب المهابيـل=كالزند وان حرك تطايـر شـراره
لو تامره بالعدل يعرض عن الميل=يبتل على رايه بربـح وخسـاره
والطبع ماينـزال غيـره بتبديـل=مثل الجدي مرساه ليلـه نهـاره
والحنظله لو هي على شاطئ النيل=زادت مرارتها القديمـة مـراره
هـذا مثـل يافاهميـن التماثيـل=كل يجي شعره بحسـب اقتـداره [/poem]

عبدالله اللويحان رحمه الله