لامن تذكّرت الإله

لم أمت .. ليس بعد !!.. لا تقولوا (يفاول على نفسه ) ماحد يحب الموت لكني سأموت يوما ما .. ولسوف تموتون.. ونحن بنو الموتى " إنك ميت وإنهم ميتون" ...
قصيدة من بدايات ماكتبت .. أردت بها تذكيري وإياكم بهذه الحقيقه التي لا مفر منها
وهذا الواقع الذي كتبه الله على جميع خلقه من انس وجن وماهو أعلم به منا ..

دع كل عمل تخشى لقاء الله لأجله..

[poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
منهو فينا ضامن الجنّه معاه = أومنهو فينا يحسب الدنيا خلود
الموت سيفٍ قاطع خيوط النجاه=والعمر يفنى والليالي ماتعود
مانيب أجاهر بالمعاصي والخطاه = ولانيب زاهد مقصدي العبره تسود
قالها الله .. ياعبادي ياعصاه= مامنكم إلا واردٍ فيها ورود
وأشهد إني خايف خوف القطاه=وأنا الجسور ولي على ذلك شهود
مادامني ماأخشى من العالم سواه= والله إني لاأقتحم عين اللّدود
بس البلا لامن تذكّرت الإله= أرجف وحيلي يالملا يسير إمهدود
وشلون ماأخشى والإثم كلن حواه= وإحساسي إني شايلٍ إثم اليهود
الله كبيرٍ يالملا ماله شباه= أكبر كبيرٍ ..لا.. ولا قدّه قدود
الخوف كل الخوف من عقب الوفاه= ياخوفي من صكّ الترايب واللّحود
الله يسامحهم لارموني بالفلاه= ياكيف ينسوني عقب لطم الخدود
اليوم وأنا عندهم زهر الحياه= باكر بتالي موتتي مالي وجود
أمّي تنوح ودمعها يندي الجباه= وإخواني طاحوا وإدمعوا بين الحشود
ولا حبيبي ويش دمعه من بكاه = لاصار تم فراقنا وذيك العهود
يبكون صدقاني وأنا تحت الحصاه= واسمع شماته صاغها نطق الحقود
مابين دود وهم وسياط وشقاه= ياللعجب ماأضيق أحاسيس الحسود
وآه واويلي .. وياويلي .. وآه = يوم القيامه لابتدى شوف الودود
ياكيف أواجه نوره أللي قد بهاه= يوم ٍ ينادي بالسلاسل والقيود
ياليتني ماعشت يوم في هناه = ولا عرفت الذنب قبل إنه يزود
و ياليتني طيرٍ يحلق في سماه= وياليتني غيمه يبددها الوجود
يارب ياغافر لكل اللّي دعاه= ياحق ياوالي ويا سرّ الوجود
إرحمني يوم الناس كلٍ في بلاه= يوم تجيك الخلق ركّاع وسجود
دامك وسعت الكون بالرحمه مداه= من للحقيرالي انتهك كل الحدود؟![/poem]