ثمان سنين

[poem=font=",6,blue,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/12.gif" border="none,4," type=1 line=1 align=center use=ex num="0,black""]
أنا ماعاد يربطني بعدها بالخلايق شي=أساسا هي ليا راحت تروح الروح وياها
حقيقه صارت بعيني أهم من الهوى والميّ=كأن الله خلقها لي ولي مخصوص سواها
ياكثر الي يلوموني ولايدروا عن الي فيّ=ياكثر الي يقولوا لي يمر الوقت وتنساها
وانا انشد وين مفتاحي ؟ وادور له وهو بيديّ=ليامن شخص قدامي ذكرها وجاب طرياها
أجل وشلون لو جتني تزيّن لي دروب الغيّ=ألا وشلون لو ذقت الحلا من حمرة شفاها
تغلغل حبها بقلبي وتملــّكني شوي شوي=تملــّـك روحي القشرا من اقصاها إلي ادناها
أنا من كثر ماهواها هويت اخوانها والحيّ=هويت البيت والشارع لأنه فيه ماطاها
أسج الرجل واجيها ولو حفيت لها رجليّ=يهون لشوفها الممشى لو انه طال ممشاها
عسى من لامني فيها يذوق من العنا مابيّ=يعرف اليا بكت عينه عيوني إيش بكّاها
إبن لعبون قدامي تولع وانفتن في ميّ=بيوته باقيه في ميّ إلي هالحين نقراها
ثمان سنين من راحت لكن المسأله هيّ هيّ=ثمان سنين من راحت وعيني ماوقف ماها
أصبّر نفسي بقولة ( مصير الحي يشوف الحيّ)= مع اني قاطع ٍ حبل الرجا من بعد فرقاها[/poem]