قــنـــاع الـــرجـــولـــــه

[poem=font=",6,,normal,normal" bkcolor="transparent" bkimage="" border="none,5," type=2 line=0 align=center use=ex num="0,black""]


ياعيد وقتن ضايق منه البــال=نفس الكــرامه فيه تبقى خجولـــه

اراجع الذكرى مع ماضي زال=اخذت لي في ماضي العمر جوله

تبدلت في وقتنا هذا الاحــوال=وقــت لفــانا مايبــشر حــلوله

اليوم وقت المصلحه منه نكتال=كلن لمـصلحــته يجهز ذلــوله

الله ولا يوم يحــدك للانــذال=بوجــهين مايثبــت بـقولن يقــوله

يفكر انه فاطن وكـله هبــال=ماهو بداري وش جرى وصارحوله

لونك تعده يطلع بصف الاطفال=اللي تقنع فــي قــناع الرجــوله

ابن الردي لارافقك خله بجال=يوميـن ويبين الردى في اصوله

لاصكت الايام عن جانبك مال=عن نخوة الاجواد زايد خـمـوله

لاترافق اللي عنك بالهرج نقال=كنه على النمـات ياخذ عـموله

لاترافق الا من حلاحيل الابطــال=ماينـثني لو كايداتن حمــوله

ماعرف اعيش مقلب الوجه باشكال=ولا اخذت لي في وادي الغدر جوله




ابو ريان[/poem]