التماني الثماني !!

في أحدى المجالس سئلني أحد شعار عائلتنا ويقال له / حماد العويضي عن ماذا أتمنى في دنيتي فرديت عليه بهذه الأبيات وأتمنى أن تنال إعجابكم ولكم ودي .


[poem=font="Andalus,6,blue,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/69.gif" border="none,4," type=0 line=0 align=center use=ex num="0,black""]
ابغ اتمنى يا العويضي تماني = واصور اللي داخل القلب تصوير
لي بها الدنيا مطالب ثماني = وغيرهن مالي بها الدنيا من مداوير
أطلبهن الله كود ربي عطاني = وجه كريم ما هو بنذل وأمير
الاوله قصرٍ من حديث المباني = مصمم ومطور بالفن تطوير
به مجلس يطرب اللي نصاني = لا لفوني ربوع ٍ لي مسايير
والثانية حبة من بلاد اليماني = فنجالها يخدر الراس تخدير
ونجر ينادي بعيد ٍ وداني = يجلب ربوع ٍ لدلالنا المباهير
والثالثة بنت من ربوع المعاني = ابوه شيخ ٍ يا قف للطوابير
ذباح حيل ٍ اعدال اسماني = يوم النذل قصر عن الجود تقصير
مليانة تمايل كنها الخيزراني = لولاه يتمايل يتكسر العود تكسير
لا هب الهوى صلف ٍ تمايل لياني = وتمايل بقلبي مع ميلة ٍ للغنادير
عمهوجة ٍ حبها بالضماير كواني = اتعبت علشانها ركايب مع حناتير
لا شفته توقف لساني ثواني = ما هو لساني البلا شكلها غير
حسبتها براق ٍ يوم فرع خلي وباني = اثريه خلي فرع في غيبة الغير
في الجوف بحره ولخفوقي مواني = يلعب بقلبي ويلعب بكل تفكير
والقلب يحن عليها حنة سواني = يوم اشعلوهن المظامي على البير
انشهد انه بالمودة وطاني = وانا احسب نفسي قبله سالم الزير
بلاني بحبة وبالمودة بلاني = الله عسا ايامه تلفي بالتياسير
والرابعة شقر ٍ وشعل وضاني = مختلطة ٍ شعلها وشقرها والمغاتير
لا وجِهن يوم ظل الطويلة غشاني = ينزاح همن سطر القلب تسطير
والخامسة حيل ٍ تقلط فوق الصياني = يستاهلون اهل الكرم والمناعير
والسادسة خوة مدرجين العواني = اهل المراجل والخوة والمسافير
والسابعة جيب ٍ ما صاح بأول وثاني = مصَدر ٍ على جدة الترف تصدير
من وكالته باسمي ما هو فلاني = نبغ َ نسمر عليه البعد تسمير
والثامنة بندق من صناعة اللماني = طلقها يفجر الراس تفجير
وغير الثمان هذي ما ابغا ثماني = عسا الليالي المقبلة كلها خير
وختامها صلوا على اللي للشريعة دعاني = محمد اللي وضح خطة السير[/poem]