مرثيه للشاعر عويض الاشرم رحمه الله

هذه القصيده للشاعر عويض عايد الاشرم العميري رحمه الله يرثي فيها
ابن عمه سليم عقيل الاشرم رحمه الله
[poem=font=",6,indigo,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
علمٍ لفاني يسهر القلب وشواه=واخر حياة الناس فيها امتحاني
اطنب طنيب الذيب واجاوب اعواه=وابعد عن الجيران والليل داني
واكتم غزير الدمع واقول يااالله=ترحم فقيدٍ في ضميري كواني
مانساه غير اموت من عقب فرقاه=ابوعطاالله قرم وافي المعاني
ماهو من اللي يلتفت جال يسراه=قلبه على ربعه غياب وبياني
ماهو من اللي عند الاجناب هذراه=سره بعيد ولايشوفه انساني
يمشي مع العليا وهذي مزاياه=ياتل قلبي تل حبل السواني
مرحوم ياشيخٍ عقيدٍ فقدناه=عسى مغيبه في رياض الجناني
لولا منايا الموت قبله وتتلاه=لااطفش مع الضلعان واترك مكاني
استغفر الله كان ذنبٍ جنيناه=والحكم حكم الله اول وثاني
دنيا دنيه للمخاليق ماذاه=هذا غثاها من قديم الزماني
هنوف في قتل المهاوي مضراه=لابيّنت شقر الثنايا الثماني
تضحك لنا وتهد دورٍ مبناه=وين الملوك ووين قاصي وداني
وقتٍ تحدانا وحنّا انتحداه=قد قالها القوال والعمر فاني
وصلاة ربي على نبيا تبعناه=محمد شفيع الخلق يوم الرهاني[/poem]

تنبيه:من لديه القصيده واضحه فليراجعها لاني كتبتها من نسخه
قديمه والحقيقه بعض الابيات غير واضحه ولذالك كتبتها بتصرف.