عظمتين وجمجمه

ما تواري سوئت الدمعات ابيات القصيد
وما تهدي رعشة البردان آه(ن) مفعمه

والله انه ما يلينك ياحديد الا الحديد
بستريح أمن المساري عقب صوت الهمهمه

الحطب لا طاح وش نوحه أبكتبله جديد
انفرط عقد الأآآلأ والخرز ما لملمه

خارج السرب المشتت غرد الحس الشريد
طبلوووله لين سار وتاه في كهف العمى

يا اختناقي ويش لاقي في فضائات العنيد
غير قبر(ن) من رفاتي وعظمتين وجمجمه

يااحتراقي ويش باقي واحتباسي فالوريد
من حريق(ن) في ضلوعي والدموع المبهمه

كل ما شبت حطبها تاكل وهل من مزيد
احرقيني ..... واحرقيني من ؟ عذابي حرمه؟

وانثريني مع رمادي واعدميني للأكيد
يمكن اني لا وصلت الشمس خير اتوسمه

جبت يدي فوق عيني قمت اناظر وانت بييييييييييد
في صحااااااراك الوسيعه ولا لمحت السلهمه

زمهرير البرد لا يبسك يا كف الجريد
مد كفك للخريف وتسقط اوراق الحما

كل ما حاولت اذيبك اكتشفت انك جليد
ما تذوب الا تزاور شمسها كبد السما

واكتشفت ان المساري في فجوجك ما تفيد
ربعك الخالي طويته ما كسبت الا الظما

انت ما تأسر جيوشك ضحكة الفجر البعيد
كل اهدافك غبيه والحقوووول أملغمه

نقطة الضعف الوحيده كنت في دربك وحيد
كنت اظن الورد سيفي وما هقيتك تهزمه

تحسب اني شيخ حاره زي ابو شهاب العقيد
والبساطه تعتريني كلها لا سيما

قمت من حلم الطفوله يكتنفني كل عيد
من قبل 20 عام (ن) ارسم شعوري دما

انفض غبار الثكالا واليتاما والعبيد
واقطف الفكر المثقف قبل ياتي موسمه

وانت لو تلوي ذراعي تحسب انك تستفيد ؟
ياخسارة كل خير(ن) كنت فيك اتعشمه

عنفواني لو عصرني فوق سيف ابن الوليد
كان اصبه في عروقك ثم اطوله واعدمه

بس عرفت ان هالطريقه في حياتك ما تفيد
أرخمه لا مت ولا ان عشت يفلان أرخمه

انت ما تفهم قصيدي لو أعيد ولو أزيد
وخبروووه انه يفارق حب ما هو يفهمه

واشهد انه ما يلينك يا حديد الا ...........
بستريح أمن المساري عقب صوت الهمهمه