(نصيحه من تجربه)

[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ودي انصحك ياذيب في بضع كلمات=عساك من بعدي تمشّى عليهن
اذكر عظيم الشان في كل الاوقات=تراه مع ذكر الله يهابك الجن
واحرص مع الفرحه تخلي العبادات=الدين افضل من هل الفن والفن
دامك شباب وفيك قوه وهمات=من قبل ماسود العوارض يشيبن
ترى السعاده كلها بضع ساعات=والوقت ياما طيّح الرمش والسن
احرص تعرّض للخلايق باهانات=تراك ماترزق ولاعقبك يمن
لوطحت مااحدٍ قال منهم سلامات=ماغير قول الله يزيده ويُلعن
امش الطريق اللي بها سبع لفات=اخير من مشيك مع الرجل الارعن
واحذر من الانذال واهل الاشاعات=اللي طوال اليوم في راسك تزن
خلك قرّيب من رجال الكرامات=ورحب باهل الطيب وقدم لهم بن
خلك كريم الخُلق حسن البهيات=حلوٍ نباك وحلو جوفك ولاتظن
ترى الوفا هو راس مال المحبات=وفاك يبقى وانت لامت تُدفن
واصبر على مر الليالي والازمات=لاخير في قلوبٍ عن الصبر صدن
الصالح اللي ماذكر فيه عيبات=لاخالطه العفن منه تعفن
هذي نصيحة واحدٍ جرب آهات=يصبح حزين ويسهر الليل ويون
لازال في جسمه جروحٍ وطعنات=مهما مضت ايام لابد يبقن[/poem]