هاذي وصاتي

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يابنت أخذي وصاتي ودي أوصيك = يا بنت أقري وصاتي وأجني حصيلة
أخذي من اللي شايف هذي وذيك= جـرب مـن الايـام عـدلـه ومـيـلـه
حذرك عن الجوال يابنت يغريك =رسالة حب بـدايه غـزو الفـضيـلة
يشرح بها إنه مولع فيك مغليك= ويـقـول أنـا يا بـنت ودي حـلـيله
من بعدها ودي أشوفك وألاقيك= مـتشــوقـا لـشـوف راع القـذيلـة
اثره كذوب وغايته بالتهـالـيـك = كم عـفـنـة من هـمها تـشـتـكـيـلـه
حذرك عنه يا بنت أنا أمرك وأنهيك = غلطة عمر تضيع في نصف ليله
تبكين دم ولاتـفـيـدك شـكـاويـك = زلـة قـدم تـحـاسـب عـلـيـها قـبيله
وتبقى فريسة يوم ضاعت هقاويك= والمـفـتـرس كـلـبا يـلـولـص بذيله
أحلامك ما همته ولا بالش فيك= يـقـضـى مـراده ثـم يـدور بـديـلـه
ويبقى الخزي يا بنت بأمك وأهاليك= عـيـونـها وسـط العذارى ذليله
بدل ما ترفرفي عليها باياديك = حـملـتـيها حـمـول مـاهـي قليله
ان أخطيتي قالوا مين اللي مربيك= ضيعتي مجهود أمكى بالفشـيلة
تلفـتي يابنـت حـولك حـوالـيــك = أخذي عبره إن كان تبغي صميله
والدش حذرك عنه يابنت يغويك= فيه العـنا هـو الخـنا والخـذيلة
وأستار أكاديمي يخرب مما شيك= رسالة غرب محتواها رذيله
وعن الغنا تنبهي لايدهويك =ترى الغنا ظرف الزنا متكيله
والنت أوصيك عنه حذرك حذاريك= هو مصدر البلوتوث في كل حيله
مفهوم الدردشة بداية خطاويك= والتالية تجني هموما ثقيلة
بدايتها تبغى خويا يســـلـــيك =ونهايتها دموع عينك هميله
والمعجبه تنبهي لاتخاويك =هذامرض هل القلوب العليلة
إعجاب ما بين العذارى شرابيك= وصف المشاعر بينهن إحذريله
ترى هاذي أكبر عدوا معاديك= فعله خزي في مجتمعنا دخيله
والى مشيتي خلي اللبس غاطيك= لبس الشرف يابنت ماله مثيله
لبسا عن عيون الرجاجيل يتقيك= أحسن من الحيران بآخر موديله
وعباة الكتف ما تغطي علابيك =والجنز ماهو لك يابنت الحميله
في سبتها تلـيمـيـن الصعاليك = والكل يبديلك بعرفه وحيله
يركض وراك الكلب والبس والديك =وكلا يدور لقمته بالنثيله
شومي عنه يابنت وراعي مواطيك =ترى الحيا للعفه أقرب وسيله
لابد ما يجي يوم والموت قافيك =يوم الشقا كلا يعادي خليله
هاذي وصاتي وأسمعيها بأذانيك =وكلا على ما قيل عقله دليله
وصلوا على النبي على غير تشكيك= أعداد ما يلوح برق المخيله[/poem] عوض الفطاحي الحويطي