ياذيب تكفى

هذه القصيده قديمه نسبيا وهي مهداه الى اخوي ماهر اتمنى ان اكون قد اخلصت له
في النصيحه, كما اتمنى ان تنال اعجابكـــــــــــــــــم ودمتم بود...........
[poem=font=",7,black,bold,normal" bkcolor="transparent" bkimage="http://www.alhowaitat.net/mwaextraedit2/backgrounds/93.gif" border="groove,7,black" type=1 line=1 align=center use=ex num="0,black""]

يالله صبرك ياعليم الخفيات =يا لمعتمد اللي عليك أعتمادي
يا واحد مادون بابك حراسات =يا سامع اللي بالدجاء لك ينادي
يالله سألتك يا اله البريات =عفوك وسترك و الهدا والرشادي
ومن بعد ذا يا محزمي بالمهمات =اللازمات الملزمات الشدادي
جيتك وأنا كلي محطم متاهات =ضايقٍٍ صدري ومعلن حدادي
أشوف في و قتنا صار أختلافات =شي يخش العقل وأخر تمادي
شفتلي ذيبٍٍ ويخشى دجاجات =والحرمستعبد وعبده يسادي
وديرة أسود أستولتها نعامات=واليوم فيها الفار أصبح قيادي
والسيف ضاعت هيبته بالتفاهات =وكاد الحديد الصلب يصبح رمادي
والقلم سنه تكسر جهالات=واللي بياض اليوم أصبح سوادي
يا لابتي يا عزوتي في الشديدات=ياللي نهار الحر عندك برادي
ياخوك حذراك وصديق المسرات =اللي في ساعة لزومه مايفادي
وأحذر صداقه من وراها عداوات =يضحك بسنه وفي قلبه كدادي
يقول لك كيف حالك سلامات =والعلقم المسموم بلسانه زبادي
يفرح إلى من تبلتك المصيبات =وده يطفي شمعةٍٍ لك تقادي
لا شاف وجهك أهداك ابتسامات=ولاشاف ظهرك خلى حياتك نكادى
اترك خوي ٍ خوته لجل حاجات=لاقضاها خلاك وانته تنادي
هذاك فرقاه عندك ســـــــــعادات=خله بوادي وأنت عنه بوادي
ترا الصديق الزين وقت الصعيبات=يجيك لو بينك وبينه بعادي
خلك رفيق الحر مثلك وشرواك= ترى رفيق البوم ماله هدادي
وأحذر قريبن ضحكته بالتشمات=وقولت ترا خلفة فلان غادي
ترا القرايب في بعضهم شقاوات=لولا القرابه كان أحد الأعادي
خطاك في حقه يساوي محيطات=وخطاه في حقك بكثر الجرادي
ادمح الغلطه لشــــــــيمة قرابات=لو العــــــــداوه يبين لا تعادي
وحاذر من إبليس يبلسك بلاسات =ترا صديق إبليس ضايع وكادي
حافظ على دينك وأد الصلوات=وبرضا والدينك تلاقي النجادي
وحق جارك أحذر يروح مهونات =أحفظ مقامه فوق ظهر الشدادي
لو هو أذيه ومسوي شكالات= خلك معه بالطيب لوه مارادي
وحق ضيفك فالمقابل بشاشات =وطيبة النفس فوق حقه تزادي
وحذراك تدخل في طلبة جماعات =خلك بعيد عنهم ولازم حيادي
هذي نصـــيحة وفيها أمارات =لعزوتي اللي فالشدايد سنادي
ياذيب تكفى لاتروح شماتات =تكفى أخوي لاتنعمي بالعنادي
فكر في دربك ثم طالع لمافات =واصحى ياذيب مايفيدك رقادي
وختامها صلوا ماهلت سحابات =على نبي شوفته غايه مرادي[/poem]