دمعة ملك

ياسيدي والقلب له صوت مسمـوع
الياتكلـم .. ينصـت الكـون كلـه

وقلوبنا يمكن لهـا ثالـث أسبـوع
مافارقتها صورتـك فـي المجلـه

يوم أنها طاحت من عيونك دمـوع
لعيون طفل ٍ فـارق عيـون خلّـه

طفل الشهيد اللي على أبوه مفجوع
أليـن شافـك ياضمـاده وظـلـه

ثم أنفجر من صوته الغـظ ينبـوع
وغنّى " وطنّا كلنـا فـدوة ٍ لـه "

قمت وحضنته كن ماحولك جمـوع
قاسمت حتى الطفـل دمـع ٍ يهلـه

يابو اليتامى كلنـا سمـع ٍ وطـوع
فـك غمرنـا يالحبيـب المـولـه

ودمعاتك اللي هزّت ضلوع وضلوع
أكبـر دليـل أن المحبـه مـن الله

يانبضنا اللي كم هدى بأسمه الروع
يادربنـا اللـي نهتديـه ونـدلـه

ياتاجنا اللي يودع الـراس مرفـوع
لغزنا اللـي خفقـة القلـب حلـه

نهيم فيك هيام ونجوع لـك جـوع
ياأصدق سبب لوجيهنا المسفهلـه

حبك هنا بيـن المعاليـق مـزروع
تسقيه غيمـة عطفـك المستهلـه

ربي يديمك يـاذرى كـل مفـزوع
ربي يعينـك يابـو الشعـب كلـه

أقولها والقلب له صـوت مسمـوع
طلـق حجاجـك يالسنافـي وفلّـه

لك في يدين أطفالك ورود وشمـوع
في قلوبهم لـك غيمـة ٍ مستقلـه

ولك من زنود عيالك سيوف ودروع
الكـل منهـم ودّه أنــك تسـلّـه

آمر يابو متعب لك السمع والطـوع
لوودك نجيب البحـر مـن محلـه

ماهو كثير أن قلت يفدونك جمـوع
يـاالله عسانـا مـن فـدايـاك لله

اللي طفل من شعبه أصخى له دموع
ارواح شعبـه كلهـا فـدوة ٍ لــه

للشاعر المتألق//
فهد المساااعد

ملك الإنسانية

ما فيها شك

يسلمو سمو على النقل الرائع

دمت ِ بود









الذيب

ربي يديمك يـاذرى كـل مفـزوع
ربي يعينـك يابـو الشعـب كلـه

أجمل مانقلتي أختي سمو المشاعر ..
اللهم إحفظ لنا ملك الإنسانية ..

حناياااا

الاخ فاضل // ذيب

اشكرك على مرورك الذي اسعدني

اختي الفاضل / حنااياا

الاجمل هو مرورك الرائع ويارب يحفظ لنا ملك القلوب
شكرك غاليتي على مرورك

نص رائع من شاعر اروع
من ناقل متميز فيما يطرح
يستحق ملك الانسانيه هذه
المخمليه.
شكرا سمو المشاعر,,,

الاخ الفاضل / مسلم العميري

اشكرك على مرورك الذي تشرفت به
وبالفعل شاعر رائع ومتالق في شعره