العيد ذا ماهوب خبز الرقاقي
عيد الضحيه لا غدا الدم مسفوح
العيد قرب والضحيه عراقي
وذبح العراق اصبح على غير مصلوح
اكبر ضحيه ( شعب دمه يراقي)
يلفي عليه العيد والورد مذبوح
لا ربقوا الخرفان غصب(ن) تساقي
وارجالنا ماتوا قبل تطلع الروح
هذي القمم تعقد ولا من وفاقي
وذا جدول الاعمال خلوه مطروح
توافقوا وصار اتفاق الفراقي
وحلوا القضيه بالسوالف والمزوح
ان شعبنا يوما ً اراد التراقي
لابد ان يكتب له العز باللوح
والظلم ظلم الناس لازال باقي
متى على الله ينجلي الغيم ويروح
ويصير للعالم معانا تلاقي
ونبي لي تذكار وامجاد وصروح
ياشرقنا الاوسط اثرت الشقاقي
عصيتهم ولا انت ما ظن مسموح
ياشرقنا هذي بقايا اوراقي
اضمدك يوم انت مثخن بالجروح
لعانة ٍ خلوك شخص ٍ معاقي
مقعد مريض وصوتك اليوم مبحوح
ثلج الشراه يذوب عند العناقي
والغيم يمكن يحجب الشمس والضوح
النرد .. الفنجال... دمع الزراقي
هي كلها جرح ٍ على الوجه مشفوح
بعض الحقايق لبست بالرواقي
ويوم ازرمت بالحلق عدوك مفضوح
الدبلوماسي يقول حل الوفاقي
وفكر السياسي يرسم الخط بوضوح
والعالم الثالث غشاه احتراقي
وعالخارطه كل الدول قامت تنوح
ان جيت اسولفها يزيد الطقاقي
وان جيت ابكتمها غدا القلب مجروح
وانا على الثنتين هزيت ساقي
لا عافيه جتني ولا ذقت الصحوح
علي الحلال يحل ولى الطلاقي
طلقت حكام العرب وين ما اروح
السالفه صارت تلبس طواقي
واهل الزعامه تنشرى بشيك مفتوح
والبيت الاسود خان كل الرفاقي
وصار الرهان الارض والعرض والروح
ما عقبهن يا ناس كود التلاقي
الدايم الله والحكومات بتروح
السالفه صارت تلبس طواقي
...زعلان والاخلاق تجاريه مره ..
العرض المتطور
