اليســر يتلـــى العســــر والصبر ممـــدووووووووح

[align=center]الحاجه اللـــــــي
[poem=font=",6,,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/153.gif" border="none,4," type=2 line=0 align=center use=ex num="0,black""]

الحاجه اللي داخل الصدر حكّـت = تسري مواجعها من الروح للروح
ان كان نفسـي مـن عناها تشكّـت = شكواي للي يعلم الســر والبــــوح
ون كان هالدنيا على القلب ضكّت = اليسر تيلى العسر والصبرممدوح
ون كان بيبان المخالـيق صكّـت = باب الفرج من مالك الملك مفتـوح
ون كان شفت الناس للراي ذكّت = لا تشترك بالراي والراي مذبــوح
ون كان دلة صاحب الكيف فكّـت = للنار قدمها الـى منهـــا اتفـــوح
ون كان نفسك في صفا الخلّ شكّت = يبين بالشدات من فيه مصلــوح
ون كان جـت زلة رفيقك ودكّــت = الاوله والثانيـه قول مسمـــوح
والنفـس ون زكيتها ماتــزكّــت = والهرج فيه ايقولو افتوح وانطوح
وكان العرب في علم سرك تحكّت= اعلم بأن السر مفضوح مفضـوح
وبعد القضاء لو كان عيناك بكّـت = مايرجع اللي فات من كثرة النوح[/poem]

عيد قيضي البلوي[/align]