الغصون الغضاضا

يا ناعمه يم الغصون الغضاضا
مدري ثمر عنّاب ولى سفرجل

يلي فضحتي الغيم نور وبياضا
شوفي السما من طلتك كيف تخجل

اعيونك اللي وردتني الحياضا
لا سلهمت موتي احسه تعجل

ورمشك حكايه يكتنفها الغماضا
في محجرك والموق موق ٍ مفنجل

لك قامة ٍ تفرض علي انتهاضا
وشعرك خيوط الشمس يوم ٍ تبجل

يا نور يا نوار عشب الفياضا
وسمك بكور وقِدم ساقك محجل

من غيبتك والقلب فيه انتفاضا
دمي تحجر واللقى ما تأجل

لا تزعلي لو انقضرت انقراضا
انا وقلبي بسم حبك مسجل

[align=center]
سلمت على هالطاروق الزين

صح لسانك وسلم بنانك
[/align]