ما ابي اكتب القوس ()

[frame="15 85"]
دنيا دنيه تحوسنا بالاسى حوس
فيها رجاجيل ٍ تربى على الغي

فيها عذارى ما ابي اكتب القوس
لا همتن ميسا ولا همتن مي

باعن شرفهن من اجل حفنة فلوس
ودي افضفض واشتكي يابعد حي

والبعد الآخر صار واضح وملموس
والحال ماهي حال هذي ولا ذي

واشوف لي رجال ما يقطع الروس
بس المصيبه يحسدك شربة المي

اليا نصحته يسمع الهرج معكوس
تنهزرك ويقول بس ردها لي

واللآش لو يملك ملايين وفلوس
والله ما يعطيك منها ولا شي

لرضيت نفس ٍ تزعل نفوس ونفوس
والميت ما يشره على عيشة الحي

هذي تجاربنا تعاليم ودروس
نصيب نخطي ننصدم ننكوي كي

والله لو امشي على شذرة الموس
آخير من ربع ٍ يجي قرصهم ني

الطيب سندا والردى وجه مطموس
وترى رخوم الوقت ما هم بشوي

وان كان ما اكسي يميني بملبوس
علي نذر ٍ لقطع ايدي بيدي
[/frame]