هذا ويا محلا تقاسيم تلحينك
يا سنفوانية صدى صهلة الخيلي
حب الزعامه في عروقك وتكوينك
خلاني اللي غاب واشتااااق بالحيلي
جيتك ابطفي شمع بعدك وتأبينك
وادفن قبور الحزن واحط اكليلي
مدمن وأعشق الوان نقشة فساتينك
الزيبرا والتركوازي مع النيلي
شعرك تناثر بين صدرك وكفينك
صفرى ألآعبها وهي تسند الذيلي
واهيم بالبلور واقلام تلوينك
في ليلة ٍ حمرى بها الحب يا ويلي
والشعر الاشقر طاح نصه على عينك
وانتا ترده في يمينك وتشكيلي
وينك تعبت ادورك يالغلا وينك
جمايلك عندي مشى فوقها السيلي
يا مكبر الحب الشقي بيني وبينك
ساري سرى ليله وانا رابط ٍ ليلي
تذبحني الشامه ولا أقدر آدينك
يامار اكفكف دمعتي بطرْف منديلي
واقلب ابو الدنيا اذا واحد ايهينك
ياسيدي للروح بعطيك توكيلي
الصبح يطربني وانا اشم يسمينك
والليل يفهقني على ضو قنديلي
تكفا تعلمني وش السر في زينك
وكيف اتمالك كل الاعصاب احكيلي
احكيلي
احكيلي
احكيلي
احكيلي
تركواز
العرض الشجري