مستهلك

ترضى وتزعل تمتحني وتلعبّي
وانا وسيع ابطان ما همني جهلك

تلد لي بطراف عينك وترغبّي
مدري ولّه ولى تبي حب مستهلك

شاعرك لولا هالحسد كان متنبّي
يكتب شعر ويهيم في ممتنع سهلك

لا من دعيت حروف سلسالك اتلبّي
لبّي فديت الدلعنه يوم اندهلك

يا طقطقة نار الحزن ليه تشتبّي
تكفين وانتي تحطبيني على مهلك

مدري شسوي فيه محتار يا ربي
لتخيّب اللي في دعائه توجهلك

من كركرة طفل الامل جيت تنشبّي
كل البراءه فيك توجد وتشبهلك

انا اعترف جرح المحبه خطا طبّي
اجرح ولكّ مني الرضا يا غلا اهلك

لو انخسف وجهي من اقصاه يا حبّي
امّا نكون اثنين ولى أجل نهلك