هيلكبتر

يقول ابو زيد الهلالي وعنتر
يازن كلامه قبل فكره يغره

اشرب من العد المصفّى بفلتر
وادرّج الوادي وقافي اجره

ابحرث الصفحه بليا تركتر
حتى القلم بآوشوشه واستسره

لا جاك هم يعينك الله اشتر
راحتك بفلوسك وبيع المضره

مهما ارز الحظ صعب ايتسنتر
والثور لا يمكن بيوم ٍ تدره

واشوف حال الطقس فيني تفتر
والحال لا سهله ولا مستقره

وفيوز راسي مثل امر البرنتر
شعري برد والهم يصلا بحره

يا حلمي المزعج لما انت مفتر؟
ماشوف بك رحمه ولابك مبره

كلام ليل ةزبدته ماتبستر
يالله انتكافيني سواده وشره

حطيتها كل الاماني بدفتر
وحرقتها ولا زالت ايام مره

كل ما ذكرتك طار عقلي وهستر
يلي تعرض لي على حين غره

ادري اعاني من هبوط وتوتر
والهم ياسرني بكرّه وفره

المشكله شاناني الحب الابتر
وذقت الكلايف والعنا والمعره



من حقك انك رغم صغرك تبختر
ومن حقي اني اغبطك واتشرّه

ميقيس قدر الشوق مقياس رختر
والشوق لك جاوز حدود المجره

كلي حلالك بس آمر واختر
ذا منزلك بين المحاني مقره

ماتاصله طيارة ٍ هيلكبتر
ولا تخرق اجواءه ولا هي تمره

حبك تغلغل ساكن القلب سنتر
منك واليك وفيك ذره بذره

لا كثرت الزلات انابيك تستر
فيك وبلاك ايامنا مستمره