[align=center]
وانا ( أتمخطر ) هُنا وهُناك وجدت هذه الظريفه وتبادرت الي ذهني عدة أشياء ..( 50مليون دولار لـ ضحايا هايتي , بنك التسليف , غازي القصيبي , الواسطه , علبة الببسي 
)
.
.
أربع سنين .. وخمسة شهور .. وثلاث أيام .. طيش ** أعيش وسط المجتمع .. مدري وشنهي خانتي ؟
أسعى ورى فرصة عمل .. لكنّ يالأيّام .. ويش ؟ ** حدّك على .. تطنيشي وعذابي .. وإهانتي ؟!
في الصبح من بعد السهر .. أفطر على تونة وعيش ! ** وفي الليل أعدّ نجوم همـّـي في سما .. دَيـّـانتي !
مدري وش آسوّي ؟ ووين آروح .. مدري كيف أعيش ؟ ** وأنا ماعندي .. غير ثوبي .. في دروف خزانتي !!
وإن رحت أدوّر لي .. وظيفة غير .. قالوا : ماعليش ! ** باقي على الطول المناسب لك .. "ثنينه سانتي" !
يعني الـ "ثنينه سانتي" في الطول .. بتهزّ إلك جيش ؟!! ** ولاّ تبي تنقـّـص على مرّ السنين أمانتي ؟!!
شهادِتي شابت .. وأنا على وشك .. والوضع .. شيش !! ** وأبا آتزوّج وآتذرّى في ذرى حصانتي !
باطير في الدنيا ولكن .. كيف أطير بدون ريش ؟! ** نتـّـف جناحي وقتي .. وضاعت .. كذا .. مكانتي !!
ياليتني "لاعب كرة" .. ياناس مثل "أحمد خريش" ! ** في كل قوْل ألفين .. وألف ريال في "البلانتي" !
ماكان هذا حالي المزري .. ولا بآقول : ليش ؟ ** وأكثر ما أفكـّـر فيه .. كيف أحترف في "نانتي" ؟!
أرزاق !! .. والدنيا حظوظ .. نعيش ولاّ مانعيش ** رزقي على ضمانة الله .. ماهي بضمانتي !
يالله ياربـّـي .. وظيفة .. لو تجي فــ "آبوعَريِش" ** ولاّ .. تزوّدني على طولي .. "ثنينه سانتي" !!!
اتمنى ان تكونوا استمتعتم 
...
[/align]
أثنين (2) سانتي
العرض الشجري