يقول المثل
هذا على ذمة نديم الشمال
سغوا بغوا
يعني اللي مو كاره يا ناره
وهالحين طالعتن موضه جديده بمجتمعاتنا
واللي هي شيخة الورق والختوم
موضوع قد يكون مستهلك
لكن يا زلمه ودنا نضحك
اللآش تال الوقت صاير باشه
والشيخ ما يسوى مراكي فراشه
للطيب عند الناس سبر وعاده
ماكل من عد ّ الدراهم حاشه
الشيخ يكسب شيخته بخلاقه
ماهيب ختم وطلعة ٍ ع الشاشه
الشيخ شيخ النفس قبل ٍ ترخص
اقبال خير وطيّب ٍ مطراشه
ماهي سوالف كذب هشّك بشّك
ولانفش ريش و طرطعة فتّاشه
الشيخ شيخ من القرون الوسطى
يموت باشه ويبعث الله باشه
يلي تماري بالشيوخ الجدّد
جعلك عشا للضبعت النّهاشه
شيخة ورق وختوم امحق شيخه
شيخة بحر واهل البحر طوّاشه
عليك لمبه مع سلامة فهمك
لا لحترام العالم البكّاشه
ولا لحترام اهل الهياط السلبي
اعصابنا من كذبهم منداشه
الشيخ يحلم والحلم فالمشمش
طاير بعجّة بشته و دشداشه
خفّاش ارعن هرْم ماله عزوه
شبحه اقرّيب والفخر ما ناشه
بالله سلم لي سلام ٍ واجد
على عقيد القدر وآبو اجحاشه
موضة الشيخه
العرض الشجري