الهدف

[align=left]
[align=center]
الحافلة ما تسير إلاّ بسايقها
و الزيف تمحاه و إن طوّل حقايقها
___

و أنا رسمت الهدف في هذي الدنيا
لو عاقني عن مقاصيدي عوايقها
___

أمشي بوضح الّنقا و الناس مختلفة
أحدِن دفع حق بشته و أحد بايقها
___

و اللقمة اللي بنكهة ذلّ مخلوطة
لو هي لذيذَة طَعَم ماني بذايقها
___

و إذا شِربت أعتني بالمنهل الصافي
كِدر المشاريب ماني من عشايقها
___

أنت الحظيظ إن جعلك الله بهالدنيا
مستغنيٍ(ن) منت في حاجة خلايقها
___

أما الصداقات محدن يغتني عنها
طبع البشر تشبه النحل إبحدايقها
___

و من دون كسر العظم و الموقف الحامي
إغلاظها ما تبيّن من رقايقها
___

لو ما تخاوي سِوَى من مركبه راسي
تبحر وحيد(ن) بوحشة منت طايقها
___

لازم تداهن لهم و إتوسّع الخاطر
من شان ساعتْك تمشي مع دقايقها
___

تمشي و نمشي عسى الله لا يفشّلنا
في يوم كل البشر تاخذ بطايقها
___

و الحافلة ما تسير بدون سايقها
و الزيف تمحاه وإن طوّل حقايقها
**


[/align]
[/align]