ابيك فى كلمه ... لوهى خطا .. تغفر لى الزله
وردك ظامى ..وان عز وصلك فاقطع حبالى
احبك ..ذا ترى اول كلامى..واخره كله
ولكن ويش يضر اليوم ..لو تدرى عن احوالى
وخد ما جاز لك من ها الحكى .. واللى تبى خله
انا لاقلت مافى خاطرى..والله ما بالى
ظلال العاشق جروحه..ومن ما يتبعه ظله
امنه يا شعاع الشمس ..لاتغيب من ظلالى
وتقدر تطوى الدرب البعيد ..وتقدر تفله
ولكن صعب تمنع فالهوى ..صبرى ..وترحالى
وتقدر تغمد السيف الرهيف ..وتقدر تسله
ولكن عند خلاق البريه ..علم الاجالى
متى عمرك .. سمعت باعشق قد مات من غله
هذاك الحاسد..وراعى الهوى تتلفه الامالى
حبيبى ...من يعزك ...فالهوى ماتقدر تذله
ترى قربك يزيدك بالغلا ...وان عفتنى غالى
سمو الامير بدر بن عبد المحسن
اول ... كلامى
العرض الشجري