رحمــــــــاك ........ مرثيه

[poem=font=",6,darkblue,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/60.gif" border="none,4," type=1 line=1 align=center use=ex num="0,black""]


رحماك يامن دبرة الناس بيديه=وانا من المكتوب ماني جزوعي
آمنت في مقسوم ربي وراضيه=باحساس متأثر وقلب ٍ قنوعي
والحزن حق وكل نفس ٍ تعانيه=لو ان بعض الحزن طعمه يلوعي
زاد الحنين وبيّح القلب خافيه=وابديت حزن ٍ ماتشيله ضلوعي
يعرف مداريجه وخضر ٍ مفاليه=وسط الحشا تحيا وماها دموعي
على فراق الي نحبه ونغليه=الوالد الغالي كريم الطبوعي
من طيبته حتى المثل ينضرب فيه=ويطعم لو انه من بعدها يجوعي
بعيد عن درب الردى مامشى فيه=لو جارت ظروف الزمان المنوعي
يعطي لو ان الوقت ماهوب معطيه=ويصبر على جور الزمان القطوعي
يارب تغفر له وتقبل حسانيه=وتجعل له محمد نبيك شفوعي
وتجعل مصيره في مكان ٍ يهنيه=في جنة الفردوس بين الزروعي
وصلاة ربي عد مسلم يلبيه=وعداد ماطافت بمكه جموعي
على نبي ٍ بارك الله مساعيه=ونوّر به الدنيا وزاده سطوعي

[/poem]