عليتس السهر يا عين يوم الدموع احراب

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
عليتس السهر يا عين يوم الدموع احراب=وعلي الصبر قـدم الدمـوع وتدحرجهـا
على صوت حبّات المطر ينشد المزراب=تحشرج بي اللحانه وانا مـا احشرجهـا
مثل طقطقة نار الشتـا وقتـي الحطـاب=تطفينـي الرعشـه وترجـع تأججـهـا
تمرجح جناحين الفراشه وانـا مرتـاب=رهيـن ابتسامـات الـورود وتغنجـهـا
اصلي وجرحي يسجد ابعتمـة المحـراب=والملم جروحي وسط روحـي وانسجهـا
واعيش الاماني قبل مـا تندفـن بتـراب=لصـار الامـل ذره فنـا لازم انتجهـا
اسوق المراكب دام طبع الهـوى غـلاب=وآطى على خشوم العدوييـن واسهجهـا
بغضت النفاق وسنّـة الكفـر بالاعـراب=وعشقت المراجل وكل رجل ٍ يسارجهـا
واحب الحيا والمستحا واكره الاعجـاب=واقّدر معانـي الحـب فينـي واتوجهـا
وقبل ابغض الكذاب امشي معـه للبـاب=واحب احقر الحقـران واحتـج وافلجهـا
غشيم الطيور ايهدّ ولا يشبـع المخـلاب=تحطه مع الكوبـج والوكـارى تكوبجهـا
انا ما شرهت الا على هدّة آبـو قطـاب=وابوقطاب لا صـاد الهزيلـه يروبجهـا
تعلمني الدنيا واشـوف الحيـاه اسبـاب=كنوز التجـارب فـي حياتـي مناهجهـا
واعرف المعاني والمباني واحسب احساب=الايـام وصـدوف الليالـي ومخارجهـا
واداوي الحنش بالداب واشلع شجرة الداب=إلين الفـرج ياتـي مـن الله ويفرجهـا
ولا اخلف النيه واقـول الزمـن نصـاب=ولا ابني احلامي علـى شـي وادرجهـا
اذا مختلط طهـر البـراءه بسـم النـاب=وكنـت آخـر الناجيـن لازم تعالجهـا
أيا ليل لا تشره مدام القمـر قـد غـاب=لـك ابراجـك اللـي لنطفينـا بتبلجهـا
تموت اكثر احلام البشر داخـل المـرآب=هنا ننحرج وهنـاك الاحـلام نحرجهـا
[/poem]