هل الرده

[poem=font="Traditional Arabic,7,black,bold,italic" bkcolor="transparent" bkimage="http://www.alhowaitat.net/mwaextraedit2/backgrounds/174.gif" border="double,4,red" type=2 line=0 align=center use=ex num="0,black""]
دعيت افكاري ولبت وهيضت الكنين امثال=نشت من صادق شعوري ومعناها يجملها
دوافعها وفا للي لهم وسط الصدور اجلال=كما وسمية هلت تسابقها دلايلها
قصيدة شاعرن ينقى من جزال الجزيل جزال=يخلدها على جيد الزمن دامه تكفلها
حويطي يفخر بربعن رقوا عسر المنال ابطال=بهم كل الرجا للي تحت ماطا ثقايلها
حويطاتن لهم في هامة امجاد العرب مدهال=رقوا يم الشموخ ولاتعووقهم
مداهلها
شنيعين اللقى يوم الاسنه مشرعات طوال=وخيلن ضمرن غارت تخز الجمع باولها
على درب النقى ياما حمى ذود العرب خيال=فزع من دونها كنه وحش جايع يردلها
وهيبة بيرقن في كف اخو عليا وهويختال=وحوله من روو حد السيوف بما يحل لها
عديمن يقلط بكفن رمى جزل الجزيل وشال=فهق ثقل السحاب اليا ورد وادمى جزايلها
ليامن غارو بخيلن نعث بطن الوطا زلزال=جراهيدن شكت وطي العزيم اللي يزلزلها
رموا وارخو اعنتهن عليها من الرجال رجال=وحدبن تستبيح اللي تنحر كف ناقلها
مواطي خيلهم تبقى على شط الفراة اجيال=حقايق ماتموت وهي تذكر من تجاهلها
على كسب الثنا نتعب نجيب المدح بالافعال=رجالن تقطع البيدا ولاكلت رحايلها
نعم حنا هل الرده رسينا للزمان جبال=وديرتنا كما حصنن نذود ونستميت الها
تشوم نفوسنا عزه اذا مايرخص الانذال=ابد حنا كرامتنا نشوم ولا ندللها
لنا صبرن على زلة صديق وجارنا لو مال=شيمنا ندمح الزله نسامح ونتجاهلها
الاياشمسنا ياللي تجلت ماحجبها ظلال=متى يبرق سنا رمحن مع الداجي يغازلها
صحيح انا تجاوزنا زمان الحل والترحال=ولكن باقين فينا مواريث نتداولها

الشاعر خليل بن لاِفي الحويطي
[/poem]