المجلس اللي فيه جاهل وكذاب

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
المجلس اللي فيه جاهل وكذاب=لاني مسولف به ولاني مريده
لاصار كله حكي في ناس غياب=بالله وش من حكيهم نستفيده
أما حكي في عار والا فالانساب=والا سوالف كل ابوها لهيده
يامحلا المجلس ليا صار شياب=هذا معه قصه وهذا قصيده
يونسون القلب بيضان الاشناب=اللي سوالفهم اقدام وبعيده
يحكو عن الماضي على عوج الارقاب=يوم المتاعب والسنين الشديده
يوم المعيشة فيد من عند الاجناب=والا يخطرو يم مصر الجديده
أنشهد ان البدو ذربين وصعاب=اهل الفعايل والعلوم الحميده
اهل البيوت اللي تبنا بالأطناب=ماهي على بلكة تحتها حديده
والضيف مايقعد ينادي على الباب=يرصد لراعي البيت حتى يصيده
بيوتهم لاقراب واجناب واصحاب=مشرعات ونار دايم وقيده
ودلال يفرح لهن كل شراب=سواهن اللي دندن النجر بيده
وصلاة ربي عد ماخطوا كتاب=على نبياً مرسلاً بالعقيده
[/poem]



الحقوق محفوظة للشاعر محمد عيد