ليت الخيانة راحلة قبل يومين

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ليت الخيانه راحله قبل يومين=كان احتمال القلب سامح خطاها
لاواحسافه جرحها صار جرحين=ماعاد تنفع جرعتي من دواها
البارحه ردي على الزين ردين=ردن معاه احساس وآخر كواها
ياشينها لاصرت مابين نارين=نار العذاب ونار بُعدي طفاها
كني وليفي ٍ صاير اليوم شخصين=شخص ٍ قديم وشخص توه بداها
هليت به وعروق قلبي مهلين=رحبت به و العين جادت بماها
جاوبني احساسي تريّث الى حين=ترى الظروف اليوم محدن قواها
اسطورة ٍ بالحسن مثل الرياحين=رعبوبتن متميزة في حلاها
كني أشوف اليوم بالعين بدرين=بدر الهوى وبدر ٍ بعالي سماها
لو الوصايف تنكتب بين حرفين=وصفتها وصف ٍ يزوّد شقاها
ياالحاكم اللي فوق روس الشياهين=ياشاعري ماني مطوّل مداها
ودي أقصرّها لا من خوف بعدين=تصير لي سوالفٍ ما نباها
مضمونها محصور ما بين بيتين =بيتٍ بداها وبيت في منتهاها
[/poem]


أتمنى أن تصل إلى قلوبكم
عبدالعزيز الرقابي

لو الوصايف تنكتب بين حرفين
وصفتها وصف ٍ يزوّد شقاها


قصيدة روووووووووعه
من شاعر رائع كتب هذه القصيدة بكل احساس صادق

سلمت يداك شاعرنا الكبير الوصيف

قصيده كل بيت فيها أجمل من الآخر

أبدعت كالعاده

ونحن ننتظر إبداعكـ بفارغ الصبر

مودتي لكـ الوصيف

صح لسانك

اخوي

عبدالعزيز

على هذهِ الرائعة

وننتظر جديدك

تحياتي

منظومتك يا صاحبي زين من زين
سلة فواكه مستطاب جناها
و صح لسانك ... لكن تعال أبغاك بكلمة راس
سيارة الميباخ من دون بنزبن
وشلون يظهر طيبها من رداها