ركز معي تعرف غموض الجريمة .. !!

يا من لقلب صار جرحه نديمه ...
من سبّة اللي فارقه عـدّة أعـوام

أبو عيـون ناعسات سقيـمه ...
ضامر حشا كنه عن الزاد صوّام

حبه ذبحني يالقلوب السليـمه ...
كنّـه يوذم قلبي بمـوس حجّـام

نار بجوفي من فراقه ضريمه ...
ما حس فيها غير من عاش الآلام

جسمي برى عقبه وحالي عديمة ...
بري الصغير اللي يكسر بالأقلام

ركز معي تعرف غموض الجريمة ...
إنه ذبحني وما ترك بصـمة إبهام

جيت المنازل والبيـوت القديمة ...
قلت أتقصى أخبار من بعض الأنام

قالوا رحل ثم قلت ربي يديـمه ...
وأقفيت أجر أقدام يا ثقـل الأقـدام


أخوكم الشاعر / فهد إبراهيم العطوي