حرب الاجيال

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياربعنا الفزعه تغير بنا الحال = شيٍ ظهر صعباً علينا احتماله
شفت ألاطفال وكل واحد بجوال = وكلٍ يوري ذاك نص الرساله
رسايلٍ تنشرعلى ألوان وأشكال = فيها علوم المهزله والرذاله
إن شاف صوره فاضحه يهذل اهذال = يركض بها لعيال عمه وخاله
فيها بلاوي ماتصورعلى البال = تدعو إلى مسخ البشر وأنحلاله
مغلفه بالمزح والضحك واهبال = تلعب بها الاطفال والاب داله
من جال جتنا والقنوات من جال = الله يعين اللي يربي عياله
شنّو علينا حرب تدمير الاجيال = حرباً بدون أصوات جتنا ختاله
حرباً على الاخلاق والدين والمال = نشوفها في كل صورة وآله
بلوتوث ماسنجر غرف نت بأقفال = وكلٍ على كيفه يفصل أقفاله
بانت نتايجها على بعض الازوال = مايع ولا يعرف علوم الرجاله
يقلد الخفرات باقفاي واقبال = وحتى كلامه صار فيه اختلاله
الى تكلم مافهمناه وش قال = كلام كله جايبه من جهاله
ان ماصحينا يالاجاويد الابطال = لا والله الا حالة الجيل حاله
وصلاة ربي عد ماهل همال = على رسول الله وصحبه وآله
[/poem]


الشاعر : احمد عيد الحويطي