المجالس مدارس

[poem=font=",6,darkblue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]

كنت اشوفك كبير ياخساره صغرت=في عيوني تغير منظرك للصغير
القناع ان تشيله يمكن اني عذرت=لكن العذر فاتك مابقى لك عذير
يااسير الدراهم طحت ثم انسعرت=شوف كيف المطامع توردك للسعير
اجبرتك المصالح وانجبرت انجبرت=ياكسير المراجل وين تلقى جبير
الخيانه جريمه شلتها واندمرت=كان هذي الرجوله جعلها للدمير
ياقليل المروه وين يومك زمرت=وين راح المهايط وين راح الزمير
يوم حزت ولزت اختفيت وقمرت=شلت الله يمين اللي يثني قمير
بعت نفسك بنفسك والحقيقه خبرت= ان بغينا السوالف تاصلك يالخبير
السوالف بطاها مايضيع ان صبرت=الخطا هو يضيع هقوتك يابصير
عاد تبقى صغير لو كبرت وكبرت=والمجالس مدارس واستمع للكبير[/poem]