تجاريب حيه

[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اعيش في وقت(ن) وانا منه مجروح=وامشي مع الايام لو هي رديه
اقرب المبعد وانا ارجيه لا يروح=واقول يا قلبي تجلد شويه
ياكم مشيت بدرب ما منه مصلوح=لا فود فيه الا تجاريب حيه
واليوم نسلك كل ما كان مسموح=بالراس حبً طحن من عقب كيه
ما كنت احسب حساب قرمً ولا لوح=وانا من اللي ما رضوا بالدنيه
والخوف من داخل حناياي ممسوح=والعز ساسي والعزوم القويه
الين جاني صوت بالحيل مبحوح=مدري يناديني او هو مشبه علي
يقول لي يا بنت ان كان بك روح=ترى العناد مصيبتك يا بنيه
حاولت اعدي كلمته عيت تروح=من يومها وانا بقلبي شظيه
عرفني الدمعه وعلمني النوح=وعييت لا ادفا في ليالي شتيه
وصارت سوالف عشق واوجاع ثم بوح=وانا احسب ان قلبي نزعته بيديه
اثره هنى موجود في داخلي يفوح=فوحة مفاويح العرب في مسيه
اريد شوفه دوم لو انه يلوح=لانه عسف مهرة زمنها العصيه
لا يا حمام الورق ياللي على الدوح=غطرف وغن ولا توقف شويه
اليوم نبني مجد من عالي صروح=ونشرب لنا من دلة شاذليه[/poem]

/نزف قلمي