الـــوقت الاضافــــــــــي

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الوقت الاصلي انتهى ماحصل فيد=وطلبتني وقتاً إضافي وعطيتك
كنك صدوق أمسك على الإيد بالإيد=ان كان تشريني تراني شريتك
وان كان لك صده ورده وتعنيد=لونك دواى وبلسمي ماخذيتك
ماني على فرقاك مبدي تواجيد=زيتي يروق ويحترق فيك زيتك
أبني على تسليح ماابني قراميد=وانت انتبه من ويش مصنوع بيتك
اسعى على الأصلي واكب التقاليد=شف معدنك وامشي على مابغيتك
في عصرنا كثرن بنات الاجاويد=سيّر بماذونك وقرشك وصيتك[/poem]


مع تحيات اخوكم/هتان

صح لسانك وعلا شآنك اخوي هتان
على هذا الأبداع الجميل ..
تحيتي لك وعساك عالقوة

صح لسانك ياهتان
مبدع كالعاده
لاهنت
تحياتي

صح لسانك اخوي هتان

ماقصرت سجل اعجابي..

تحياتي..