سلام ياهل المرجلة ياحويطات

[poem=font=",7,deeppink,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سلام ياهل المرجلة ياحويطات=تاريخكم شاهد وماهو بسيطي
يامكرمين الضيف وقت المجاعات=يامرويين السيف دم النشيطي
حبي لكم حبي لاهلي العرادات=ومن مايحب اهله وناسه عبيطي
حبي لكم مابه مصالح وغايات=لا مصلحه عندي ولاني شريطي
انا ليامن جيب طاري الحويطات=احن لطاري وكني حويطي
اصحاب عمري كلهم من حويطات =حبي لهم والله كبر المحيطي
حبي لهم اقسم قسم حي مامات=حطيتهم في قلب بيره غويطي
ياخوي يابو حمود بالعين عبرات=يو م التذكر مابقلبي يحيطي
هيهات ابنسى خوة القرم هيهات=وشلون ابنسى خوتك يالحويطي
كنا سوي واخوان في كل الاوقات=حتى السعاده في ذرانا تحيطي
عشرة عمر مابيننا تسعد الذات=ابكي عليها يوم اعيد الشريطي
هذي رساله لك من القلب بذات=والمنتدي بيني وبينك وسيطي
وسلام ياهل المرجلة ياحويطات=تاريخكم يشهد وماهو بسيطي
يامكرمين الضيف وقت المجاعات=يامرويين السيف دم النشيطي
[/poem]