ياطير ياللي من ورا شار يطـروك
..........ع وصف من شافك ترا صرت شفي
حراً وسيع بطان واللـون مدكـوك
..........وجناح طول ذراع بالريش مظفـي
شفهم على جداد الصوالين بـاروك
..........وعيونهم بمدربل الـروس تصفـي
كم مرة ٍ عن شـرد الصيـد ردوك
........غاياتهـم بشباكهـم كيـف تهـفـي
إحذر تجاوب صوتهم يـوم نـادوك
..........صدتك هذي ياشقر الريـش تكفـي
الحر ماهو حر لا صـار مملـوك
..........في مجلسً مليان والـراس مكفـي
ترا حلاة الحـر لا صـار مفكـوك
.........شوفتة في روس المراقيـب تشفـي
(أحمد الزمهري )
الحر ماهو حر لا صار مملوك
العرض الشجري