×× .. حبيبي لايبكيك الفراق ولا يهد حيلك .. ××

للشاعر........... سالم سيار .. *

×× ................................................ ××



حبيبي .. لا يبكيك [ الفراق ] ولا يهـد حيلـك
أخاف الدمع من عينك يجفف [ صورتي ] فـبالك

تجيني طيف يا عمري على جنحـان شوقـي لـك
أخاف أرمش من عيونـي وأبعثـر جيـة وصالـك

حبيبي لا تجيني قول وين انـت وانـا أجـي لـك
أبيك تقول وين انت وعلى عيوني أنا اسعـى لـك

وربي فوق روس الشوك لا اخلي القلب يمشي لـك
وأخلي ظلالي تسبقنـي قبـل يحضننـي منزالـك

ثواني بس .. أبـاتهندم من عيونك وابـأهدي لـك
في عينك ضحكةٍ حتـى تكحـل عيـن عذالـك

يقولوا الناس في غيابي تشب القلب ويضـوي لـك
حنيني ومن وهج شوقه يميـل القلـب لا مالـك

قضى دمعي من عيوني .. أبي من عينك أبكي لـك
أبـانثر من ورا عيوني دمـوع عيـون ترحالـك


هنا ترمي : صباح الخير قبل لا تروح وأدعي لـك
وهنا تضوي: مساء الخير في عينـي مـن هلالـك

أنا من الليل يقطفني شعـوري لـك وأغنـي لـك
أنا من الصبح يليلني [ الحزن ] من لـون موالـك

حرام الليل ماهو ليل إذا مـا كنـت فـي ليلـك
وحرام الصبح ما هو صبح إذا ما كنت بـظلالـك

تروح وقلت : أحط روحي على كفي وأنادي لـك
نزعت العمر من شفت الغلا بالـروح نـادى لـك

بربك قول وش سوا [ الفراق ] بوجـه منديلـك
تسيل الوان طيفي فيه الى مـن [ البكـا ] سالـك

حبيبي .. لا يبكيك [ الفراق ] ولا يهـد حيلـك
أخاف الدمع من عينك يجفف [ صورتي ] فـبالك

تعااااال .. أحتاج أسولف لك عن الأيام واشكي لك
وافض غيم الحزن وانثر حنيـن الشـوق بقبالـك

تعااااال وحط في قلبي هموم [ الفرقـا ] واشيلـك
لأن القلب ماهو قلب اذا فـي نبضـه مـا شالـك

وقف دمعي من عيوني .. أبي من عينك أبكي لـك
أخاف أبكي من عيونـي وأبعثـر جيـة وصالـك






YouTube - ‫حبيبي لايبكيك الفراق‬‎

سالم السيار شاعر الرومانسية
اختيار ولا اروع شكرا لك اخوي
لا عدمنا هذا الذوق

المشاركة الأصلية كتبت بواسطة ندى الصبح

سالم السيار شاعر الرومانسية
اختيار ولا اروع شكرا لك اخوي
لا عدمنا هذا الذوق

الشكر لك على مرورك وطلتك وذوقك ..


تحيااااااااتي ..

يعطيك العافية يا غالي

إنتقيت فأبدعت

دمت بود


الذيب

المشاركة الأصلية كتبت بواسطة ذيب الشوامين

يعطيك العافية يا غالي

إنتقيت فأبدعت

دمت بود


الذيب

الله يعاااافيك ياغناااتي ..

مشكور على طلتك ..





تحياااتي ..

صح ذوقك تحدوووه على الأنتقاء الأروع

دمت مبدع ....

ودي...

المشاركة الأصلية كتبت بواسطة عبدالمجيد بن غازي

صح ذوقك تحدوووه على الأنتقاء الأروع

دمت مبدع ....

ودي...

تسلم اخووي عبدالمجيد هذا من ذوقك يالغاالي ..

مشكور على مرورك العطر ..

يسلموووووووووووووو
يعطيك الف عافيه
قصيده ولا اروع