رسالة زوجه مصريه مسترجله لزوجها..؟؟

.رسالة زوجة مستريحة و متهنية إلى جوزها اللى مهنيها
على ما أعتقد أن دي أول رسالة حب من زوجة مصرية تكتبها بكامل قواها العقلية دون أي مقاصد شخصية و لا مغانم مادية. دي رسالة بريئة خاااالص أتشرف و أنفرد بنشرها بإسم كل الزوجات اللي بيموتوا في أزواجهم


زوجي الحبيب:

أقر و أعترف أنا الموقعة أدناه بكامل إرادتي الحرة و قواي العقلية إني مدلعة، و مرفهة و مش مقدره مجهودك و تعبك معايا أنا و العيال. يا سبعي يا جملي. يا مستتني و مريحني و موريني الهنا كله. ماهو إحنا كده يا ستات ما بيتمرش فينا و ما بنقدرش النعمة اللي إحنا فيها إلا لما تزول.الشر برة و بعيد يا حبيبي.

عشان كدة أنا فكرت كتير يا حبيبي إزاي أريحك و أعوضك عن الشقى اللي أنت شايفه معانا مالقيتش غير إني أبدل معاك الأدوار و أشيل بدالك المسؤليات. ماهو من حقك تشوفلك يومين دلع حلوين إنت كمان.

أنا هروح الشغل كل يوم أشقى و أتعب علشانكم. و هصرف على البيت و أنت بقى كل اللي عليك أنك تستريح و تتبغدد. بس ما تنساش يا حبيب شوية حاجات صغيرة أنا كنت بعملها. معلش أنت قلت بنفسك قبل كده دي حاجات متتعبش حد :

تصحى من النوم قبل زقزقة العصافير

تكوي هدوم المدارس للعيال و تصحيهم و تشطفهم و تفطرهم و تلبسهم و تحضرلهم السنداوتشات و تنزلهم يركبوا الأتوبيس.

بعد كده تيجي تصحيني و تحضر لي الحمام و الفطار
و طبعا عقبال ما أخلص تكون حضرت لي هدومي عشان أروح الشغل حاكم أنا هشقى و أتعب علشانكم.
ما تنساش قبل ما تنزل تجري على شغلك،(و تتشعلق في أي مواصلة علشان تلحق توصل في معادك من غير ما تسمع كلمتين في جنابك من مديرك) تسيب اللحمة برة التلاجة تفك عشان الغدا.


و أنت راجع بقى الظهر يا حبيبي في عز الزحمة
عدي على السوق جيب الغدا
و اتزنق في طابور العيش
و طير على البيت عشان تلحق تنضف الخضار
و تحضر الرز و السلطة
و تسيب الأكل يستوي عقبال ما تحمي العيال.
أصلي ماحبش أي أكل بايت.
أنت عارف يا حبيبي إني بشتغل عشانكم
فمن حقي أكل اللي أنا عايزاه.


بعد الغدا أنا هدخل أريح شوية
و أنت بقى أدخل على المطبخ
إغسل الأطباق
و إكنس الأرض
و حط الغسيل في الغسالة
حاكم الحاجات دي ما تستناش .


خلاص يا حبيبي هانت.
فاضل بس تذاكر للعيال.
تعمل معاهم الواجبات
و تراجع حفظ النصوص
و الدراسات الإجتماعية
و تمليهم
و تحل معاهم مسائل الرياضة.
بس لو حد فيهم جاب نمرة وحشة هزعل منك و أقلب الدنيا على راسك علشان ده يبقى أسمه إهمال و تسيب يا روحي.


أنا هقوم بعد كده أنزل أعمل كام مشوار مش مفهومين.
المهم أي حجة علشان أسيب البيت
و أنزل أشرب لي كابيتشينو في أي كوفي شوب مع صاحباتي أصلي مش هقدر أشرب حجرين على القهوة.
و أ رجع البيت بالليل ألاقيك حضرت كيكة
ولا أي حاجة حلوة أكلها مع العشا
بعد ما تكون عشيت العيال
و نيمتهم
و نشرت الغسيل
اللي هتلمه بكرة
بعد ما ترجع من الشغل
و تقف ثلاث ساعات على رجلك تكويه
علشان المكوجية أصبحوا مفتريين
بس خالي بالك يا حياتي من كسرة رجل البنطلون
أصلها تفرق معايا جدا.


أما بقى في الويك إند يا حبيبي فتصحى مع الفجر
تنفض البيت
و تمسح الأرض
و تغسل الحيطان
و تحط فنيك و ديتول في الحمامات
و تنضف النجف
و بعد ما نصحى أنا و العيال
تحضر لنا الفطار

و تهوي الفرش

و ترش الأوض.

أصلي بحب البيت بيبرق.

أنا هنزل يا حبيبي أزور ماما بعد الغدا.
أصلي ما بعديش عليها إلا كل أسبوع مرة
و دي ست الحبايب زي ما أنت عارف.
أنت بقى فاضي على طول.
ممكن تعدي على والدتك أي وقت.
ما أنت هتبقى مدلع و متهني
و طبعا مش محتاج لا تخرج و لا تتفسح.

المهم في ده كله أن كل يوم ألاقيك واخد دُش و متأنتك و حالق دقنك ) لإنك مش هينفع تحط مكياج


( و مستنيني بإبتسامة حلوة سعيدة .

إمضاء
زوجتك المستريحة المتهنية

عاد زوج سعودي من عملة مساء

فوجد هذه الرسالة ملزوقة على باب البيت

معلش ياحبيبي انا مش موجوده في البيت انا روحت مع السواق اشتري شوية فساتين وميك اب

ياريت تجيب عشاء ليك وللولاد

يعطيك العافية

هههههههههههههههه
ياويلي ماتعبت هذي من الـ لق لق خخخخخخخ
يسلموووو

ومن تمام مسؤولية الأبوين عن تربية أبنائهما محاسبتهما على التقصير في حقهما فقد روى النسائي وابن حبان في صحيحه مرفوعا قول الرسول صلى الله عليه وسلم:" إن الله سائل كل راع عما استرعاه أحفظ أم ضيع؟ حتى يسأل الرجل عن أهل بيته"
قال معقل بن يسار المزني سمعت رسول الله صلى الله عليه وسلم يقول (ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة



هي المسئوليات اينما ذهبنا فمن ضيعها ضيعه الله


شكرااااااااااااااا حسن على الرساله الغير متوافقه مع الطبيعه الذكورية والأنثوية ,,,,,,, فتواجد الخللل,,,,,,,,,, شكرا لك

هههههههههههههههههههه الله يكون بعونه ويعطيك العافيه
مشكووور

المشاركة الأصلية كتبت بواسطة جومانا

عاد زوج سعودي من عملة مساء

فوجد هذه الرسالة ملزوقة على باب البيت

معلش ياحبيبي انا مش موجوده في البيت انا روحت مع السواق اشتري شوية فساتين وميك اب

ياريت تجيب عشاء ليك وللولاد

أكيد السعوديه بتدلع ايش وراها الله يكفينا شر الحاسدين ويديم علينا النعمه يارب
نسيت لقولك مافيش سعوديه تطلع من غير اذن زوجها

ويسلمو على الموضوع خيو

شاكر لكم اخواني وأخواتي المرور والتعليق ..

أختي كلك نظر شاكر لكي الاضافه وجزاكي الله خير ..
اللهم اسعدنا في بيوتنا وبين زوجاتنا واولادنا وارزقنا حسن التربيه لهم .,,