الليل العتيم

اللـــــيــــل الــــعــــتــــيـــــم

[poem=font=",6,,bold,normal" bkcolor="transparent" bkimage="" border="double,4," type=2 line=0 align=center use=ex num="0,black""]

قال منهو طاول الليل الـعتـيم ولارقد=يسهر وقلبه عليلٍ مالقى لجرحه ضماد
طال فيه الصبر طال وتاه عن دربٍ نشد=كل ماساق الخطى من كثرة العثرات عاد
حال مابينه وبين الصيت ودروب السعد=وصار فعيون الخلايق بين شمتٍ وانتقاد
وفي سنام الطيب له خالٍ وله عمٍ وجد=وكاذبٍ منهو يقول ان آخر النار الرماد
ومن يقوله قلت له هذا وجارٍ ماهجد=اقربه وان كان عذرك تاخذ العلم الوكاد
ياسحابة عز خلت البرق واصرخ يارعد=هلي الهتان واروي كل ريضان الفؤاد
ربعي عقب المحل يا البيد واصدق ياوعد=حلم ليلٍ وارتجي بشراه من رب العباد
طالب اللي قدرته في ستة أيامٍ عدد=كون الكون وخلق هاالخلق من رملٍ جماد
طالبك يالحي يالقيوم يالفرد الصمد=ترحم لقلبٍ عليلٍ ماغشى حره براد
طالبك من جود فضلك تغني اللي لك قصد=عن جميع الخلق تجعل له ملاذٍ وله عماد
تعطي الجنة اجل منهو سواك اللي يمد=من طلبك ادرك مرامه مد ماهو للنفاد
ياكريمٍ في طهور الما وفي ثلج وبرد=تروي القلب العليل وترشده ياخير هاد
ولاصدقني في زماني بالنصيحة واجتهد=في ضمير الصب يزرع في رجا يوم الحصاد
مثل عودٍ مارجا الدنيا بزخرفها زهد=كل ليلة في قيامٍ ماحلا لعينه رقاد
قال لي خذها نصيحه من بحبل الله عقد=عقدة النية تراهو عانق دروب الرشاد
احفظ المولى بسرك واجهر بحمده وزد=واذكره في كل لحظة واستزد من خير زاد
خير زاد لا اتقيته من عصى ربه ورد=نار يصلاها جبينه صوبها يساق او يقاد
ولاتغافل عن صلاتك دوم خلك مستعد=لا ارتفع صوت المنادي لب من لله يناد
اد كل فروض دينك ثم على الله اعتمد=تسعد وتستر نفسك مايجي قلبك سواد
ولاتقارب من هل النمه ولا اهل الحسد=قربهم مافيه خير وشرهم امرٍ وكاد
من يسرك قد يضرك ومن تبع نفسه وجد=ان غي النفس دله في دياجير الفساد
ومن كبح لذات نفسه بالتصبر والجلد=كنه اللي سل سيفه في ميادين الجهاد
هذي دروب الرجوله من مشى فيها صعد=طيب الطاري وكسّاب الثنى في كل ناد
والله انه خير ناصح يوم يردعني ويشد=يومه يبكي عيوني مايبي ضحك العباد
هذي هي اغلى نصيحه عندي وربي شهد=وهذي هي اصدق نصيحه خافقي منها استفاد[/poem]

حـــســـيـــن أبـــوتـــايـــه