روؤس الاطـلال

روؤس الاطـلال
كم جرح يشفى ويبراء صـوابهـ **** وكم صواب ينزف الـدم مـازال
وكم بوم معشش له في خـرابهـ **** يشوف نفسه بين الغربان رجـال
وكم حصني منجحر في هـرابهـ **** يطلـع يتشمشم للبقـايا والفضـال
وكم ذيب خاوى الليل وسرابهـ **** يهد وينقا من السمينات وجـزال
الحر بالجو يرقاء متن السحـابهـ **** والباشق على الارض يدور له ظلال
لا صاده القناص يجود اقطـابهـ **** ينقـل عليـه في وقـت مقيــال
وانا لاطحت لي ينصب المركابهـ ****يذبح الذبايـح ويبهـر على ادلآل
يشره على المليون وتهقـوابهـ **** ويشيله على الكف تعظيم واجـلآل
كـن الخطر في حـد مخـلابهـ **** افجح ويكسيه من الريـش سربـال
مآخذ من الرجم هيئته وانتصابهـ****مطوي له سنين على حآفت الجـال
مآ همه لو تطاير سافي اتـرابهـ**** (تلعب به الارياح) بروؤس الاطـلال
لأقبل مثل الحماد يزقح سـرابهـ **** ولاقفى جنيه عصملي والرأس فنجال
ما ذله البرقع ولا سبقه صطابهـ **** ولا لزه الوقـت على كـف رجـال
من هيبته حتى الكواسر تهابهـ **** ماكر حرار وموطنـه قمـة اجبـال
وحش قبل مـا ينعـق اغـرابهـ **** بتاع قاطع له على الصيـد مدهـال
حول بين قـاع الجفـر وشهابهـ ****اسفل(الجهدانيه)على هـاك التـلال
طار وغشى المحير وطير اعقابهـ ****واقفى على(كبد)بالجناحين يختـال
يـا هني من لـه الحـظ جابهـ **** عـزالله انـه يمضي العـام رحــال

شعر : حاتم ابوتايه