وكل ما قالوا فلان يطري عليه !

السلام عليكم ورحمة الله وبركاته
:

كنت ابحث عن صور وقعت عيني على صوره حركت المواجع
فقدت قبل فتره صديق غالي علي ولايعوض في حادث مروري وللاسف
حينما وصلت لم الحق عليه و كان قد فارق الحياه رحمه الله
فكانت هالكيبورديه نزف لما بداخلي اكثر من ان تكون قصيده




يالله ياللي محدد العمر ساعات
........والى وصل حده قالوا منيه
ياطير لاتبكي ترى صاحبك مات
.........وياموقفك ماهو غريبن عليه !
مايسمعك ياطير لو قلت هيهات
.........لون تجيه طيوركم والسميه !
قبلك سهرت الليل واجر الاصوات
.......عاللي رحل مابين صبح وعشيه
واليوم هومحسوب بعداد الاموات
........وكل ما قالوا فلان يطري عليه
ياطير انا اعزيك بهذي الابيات
..........كنه حبيب القلب ولاّ خويه !
اصفق جناحك وارتفع بالسماوات
........بين السما والارض والجاذبيه
لما يروح الهم وتقطع مسافات
..........تلقى وليف يونسك بالخليه
اودعك ياطير في كل الاوقات
..........يجبرعليك الجرح ويجبر عليه
:
:
( رحمه الله وموتى المسلمين اجمعين )
وعذرا ان كانت المت باحدكم
دمتم بخير

رحم الله صديقك وجميع موتى المسلمين
كيبورديه قيمه وجزله
صح لسانك اخي مجموعة انسان ولا اراك الله مكروهآ
تقديري لك

اللهـم امييين
وصح بدنك يالحويطي ولك بمثل مادعيت واكثر
شرفتني بتواجدك