[ حروف المسا ]

السلااام عليكم ورحمة الله وبركاته

اترك لكم هذا النص بكل مايحمل فيه من معنى عله ُ

يرتقي لحُسن ذوقكم الرفيع


[ حروف المسا ]


[poem=font=",6,white,bold,normal" bkcolor="black" bkimage="" border="inset,10,red" type=2 line=1 align=center use=ex num="0,black""]
قبل لا افتح صدور الحروف بذلك المفتاح=وبعثر قصة حروف المسا في لملمت ذاتي
ابترك عالم الصجه وابنثر عطري الفواح=وحاول قد ما اقدر اوضح في عباراتي
ابكسر شيطنة حرفي وحط بداخلك مصباح=ياحرفٍ شاغب وحرك كثير اليوم ابياتي
نويت اغير العزله وحاول اختلط ياصاح=وحاول قد ما اقدر اوسع في صداقاتي
ودش بـ عالم الانفس وماتسكبه من ارواح=واترجم سلسلة حكي الزمان بسر خطواتي
واذا كانك تبي اشرح انا اسمي كُتب بـ لواح=في صمت الحرف تلقى مهجع الشعر بكتاباتي
واذا كانك تبى تعرف انا حرف ٍ بعد ما طاح=مكانه عالي ٍ وسط السما ركزت نظراتي
صهيل الحرف كنه في معارك طاحنه صداح=غبّار الهرج مازعزع ابد فيني قناعاتي
مقامات البحور وزمجرة لحن ٍ بدا ينساح=على كف الورق ينساب لحني في صباحاتي
وانا مبدا حياتي واضح ٍ والشعر لامن صاح=على حدب الضلوع يردد أصواته مع أصواتي
انا ماخطيت لكن شفت لي عالم من الأشباح=تعيش بداخل كهوف الكلام اليوم بـ سكاتي
تعيش وتزرع الفتنه وناتج بذرة الفلاح=ثمار ٍ تفسد اجواء المكان بعز حفلاتي
تأثرت وسكت وقلت دام الصمت صار سلاح=ابصمت وانتحى عن دربهم وعيش لحظاتي
وروح لعالم ٍثاني نقش فيه الكلام وشاح=على جدرانه وفوق الثرى حصلت ساحاتي
مكان ٍ فيه نهرى يسكب المعنى لامنه لاح=ترانيم القمر تسمو بعيني وقت ضحكاتي
مكان ٍنرتوي منه جمال الحرف والافصاح=بلاغة حرفة الشاعر تبيح اليوم زلاتي
ابكتب مايجول بخاطري ولا النوايا صحاح=على وضحى النقى امشي وثابت في مساراتي
عزيز وباقين في داخلي منك ترى افراح=يكفى منبع حروفي يضخك في مضخاتي
هذا هي قصة حروف المسا في مجمله اتراح=مشاعر صبت احساس المشاعر في مصباتي
قبل لا افتح صدور الحروف بذلك المفتاح=أبستغفر ولي الكون دامي حافظٍ ذاتي

[/poem]



وسلامتكمـ

بقلمـ . . راعي مواجيب