ما يرفع ضغطي شَي زَي كلمة حقوق المرأة .. وبالذات في السعودية .وهادي
المشكلة طلعت متى؟ بعد 11 سبتمبر .... سبحان الله .. يعني كانوا من ألف
وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟
أتْـرِنُّو إحنا لنا حقوق؟! مادام كده ... الإنتخابات البلدية ليه ما
نشارك فيها؟ وليه ما نروح هناك ونرقع بالصوت؟
يا أختي حلال عليكم البلدية كلها .. يعني إيش تبغوا تسووا؟ تحطوا ضوابط
إصدار الرخص لمحلات الحلاقة مثلا؟ والا تناقشوا سفلتة الشارع اللي يودي
على بيت أم إبتسام؟ والا ليه الشارع الفلاني ما فيه كوفيرة مغربية وكل
اللي فيه مصريات؟ يا أختي ريِّحي راسك .. اذا كثير من الرجال ما سوُّوا
حاجه ... بالله عليكي حتسيبي بيتك وعيالك وشغلك ... عشان تناقشي مشروع
إنتخابي؟ هادا من تمام الفضاوه..
طيب قولوا لوحْدَه زواج أختها الليلة: بلاش تروحي للكوفيره اليوم يا مدام
وتعالي نناقش حقوق المرأة أو نحضر المجلس البلدي و نتخذ قرارات مهمة ..
وأترك لكم جوابها .. إيش يكون
أما عن حقوق المرأة في السعودية .. فياسيدي الست هنا لها حقوق وواجبات ما
تتنازل عنها. مثلا: في بلدان كثير عربيه وأوروبيه تلاقي شحط طويل عريض
جالس في الباص ...وقدامه وحده في الشهر التاسع واقفه على رجولها وشايله
طفل تاني على كتفها .... إن الشحط يتحرك؟ .. أبدا...إن الثور يحس؟
......لايمكن. لكن هل يمكن يحصل هادا في السعودية؟ أبدا .. واللي يبغى
يجرب.... الطريق قدامو .... يا عمي العملية كلها دلع حريم في دلع حريم
... رايح أعطيكم بعض الأمثلة وقولوا لي مين اللي آخِد حقُّوقه بالكامل
وزياده؟ وهل عندنا المرأة متساوية مع الرجل .. والا هي أحسن مِنُّو؟
قال حقوق المرأة .. قال.
منظر عام
رجال محترمين زي الورد واقفين أمام صراف في بنك .. وتِجي أختنا في الله
( اللي يقولو إنها مهضومة الحقوق ) تتقدم للصراف مباشرة ولا على بالها من
الطراطير اللي واقفين من ساعات .. وبعضهم مستأذنين من عملهم. طيب ليه ما
توقِّف تِمسك سِرا ورا عشرين بنغالي... وثلاثين باكستاني... وخمسين
سعودي... واثنين معقبين معاهم شوية فواتير مقاس إكس لارج .. وإذا أحد
كلمها وقال لها أتفضلي يا أختي ترد عليه وتقول: لا، معليش. المرأة
زَيّالرجال .... خليني في الطابور .... زَيِّي زيكم؟! .... ليش ما تقول
كده؟! ... والا هي تماحيك وبَس! ونفس المنظرفي الجوازات .... والأحوال
... والتأمينات .. ويقدر أحد... يقول إنه من ظهر أبوه .... يفتح فمُّه؟
... على طول يسمع العبارة الشهيرة ... ( عيب عليك .... إنت ماتستحي؟ ..
هذه حرمة...إنت ما عندك أهل!)) ...ويضطرالراجل إنُّه ينكتم ويسكت .. بل
إن المرأة تشفع للراجل جوزها عشان يتقدم على الرجال الباقين. في المطار
.. مثلا .. ما تشوفهم يطلِّعوا العوايل أوَّل .. وبعدين بقية الركاب؟
قال حقوق المرأة ... هه!
اقتصاديا
شوف الراجل.. السبع... الغضنفر.. المفتري...له ثوبين أوثلاثة في السنة ..
يروح بها العمل، ويحضر بها عزايم وزواجات، ويقابل بها كبار المسؤولين،
الخ، الخ، الخ.والمرأة بسلامتها .. بقيمة أدوات مكياجها فقط. تقدر تفتح
محل خياطة رجالي محترم. ويا ريت تحط من مكياجها في البيت.. لأ. دا بَس
للخروج ... وقيمة صباع روج والا علبة بودرة تساوي قيمة جوال جوزها ..
وكمان ازيدك من الشعرقصر .. مو بيت .. من حقوقها فستان لكل فرح. و مكياج.
و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت
جارتنا . ولازم هدية. واللطخ يدفع .مو مهم الفلوس جات من فين .. المهم
يدفع .. والدنيا ممكن تنقلب على الراجل واللي خَلَّفوه علشان موضوع (مهم
وحيوي زي كده.
قال إيه! حقوق المرأة.
نفسيا
الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن
ستين في سبعين. ويعني إيه عنده مشاكل في العمل؟! والا أقساط متأخره؟!
والافواتير؟! والا مقاضي ما يعرف كيف يجيبها؟! مو مهم ..واجب عليه إنه
يرجع من العمل للبيت مروِّق ومبسوط وبَس ... كإنه كان في شرم الشيخ مصيف
مع نانسي عجرم .. (( مجرد مثل .. تف .. بره وبعيد )) ....والست بسلامتها من
ساعة ما يرجع من عملو .. وقبل ما يفصخ حوايجو: شوف بزورتك ( لاحظوا ..
بزورتك)طفَّشوني .. إيش رأيك نغير غرفة النوم؟ التلفون ما فيه حراره ...
جاتني رساله على الجوال يقولوا الفاتوره طلعت .. أَلحق سّدِّدو قبل ما
يوقفوه عن الخدمه ... ... ... ... ومع هادا كُّلو ...لازم يبقى رومانسي.
بينما هي وبكل سهولة تصحى بسلامتها في الظُهر...وتجد الكارثة
الكبرى....يوه ...ما عندنا صلصه...وبكل رقة تتصل...ألو ألو ...أبو خالد
موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟...
المهم ... جيب معاك غدا ... ماهو إنت يا فالح نسيت تجيب صلصه معاك أمس.
ولإنه موفاضي.. و قرفان من العمل.. يصدق المسكين إنه هو إللي نسي ويقول
بكل شجاعة ..... طيب.
وفوق هذا كله آخر السنه: طفشانه ....فين حتودينا ...والله بنت خالتي
راحت أمريكا .. وبنت عمي ما تصيف إلا فْي أوروبا.... يا عيني علينا إللي
ما نروح غير يا مصر... يا سوريا ... والسنة اللي غيَّرنا فيها ... رحنا
ماليزيا.
وفي رمضان: تعبت ....أوف .....إنت داري عن حاجه؟ أنا أبغى خدامة... أنا
خلااااااااص .. ومن ثالث يومرمضان .....مقاضي العيد من جده ...أختي جابت
ملابس لها ولعيالها .. إيش أقولَّك بس ... وخُد مشاوير لليييييييييييل
... والراجل المسكين لما ينزل السوق مع مرته ما يقدر يشتري ولااااا شَي
لنفسو، لأنو طول الوقت ماشي وراها من دكان لدكان، وشايل زنابيل إلين ما
كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو
فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه
ما أشترت ملابس العيد!!!!!! وإذا فكَّر ينزل السوق لحالو عشان يشتري شي
لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت
مو كنت معايا في السوق .. أحد قال لك لا تشتري؟
قال إيه؟ ... حقوق المرأة.
شرعا
المرأة لها حظ من أبوها .... وحظ من زوجها .. هادا غيرأمها .. وأخوانها
... وأبناءها .. والراجل مطالب إنو هواللي يصرف عليها مهما كان عندها
فلوس.
وثانيا: الرجال لازم يروحوا للمسجد خمس مرات في اليوم .. جمع وجماعات ..
حر وبرد .. ليل وصبح .. لازم يروحوا ... بينما الست تصلي تحت المكيف ...
في غرفتها... وأجرها زي الرجال تماما .... ياعيني .. يا عيني ..والله
الإسلام أعطاكم كتير .... وياريتو يِبان فيكم
طيب قولوا لوحْدَه زواج أختها الليلة: بلاش تروحي للكوفيره اليوم يا مدام
وتعالي نناقش حقوق المرأة أو نحضر المجلس البلدي و نتخذ قرارات مهمة ..
وأترك لكم جوابها .. إيش يكون
لا تعليق
بس ليش ياعاشق كذا ضحكت علينا الناس الله يسامحك خل النواعم يفضفضوا شوي
المرأة لها حظ من أبوها .... وحظ من زوجها .. هادا غيرأمها .. وأخوانها
... وأبناءها .. والراجل مطالب إنو هواللي يصرف عليها مهما كان عندها
فلوس. كل هادى عندهاوبرضو تبغاوتطالب بالسواقه عشان الرجال يكون طفرآن طول حياته من تغيراموديلات وألون
كل سنه ومايفكر يتزوج عليها ياحرام لناالله ياعاشق ألأدب
والله الحريم عندنا بنعمه كبيره وشوي ويقولو متى ينزل الهمر الجديد
ولاننسي امير النصر رحمه الله
عندما اتصلت به احد النساء وقالت المفروض والمفروض قال لو جينا
للمفروض المفروض انك بالمطبخ الحين (-_-)
حتى بالكوره يحللو
وترا حاليا البنك عقاري فتح قروض للزوجة الثانية والمغرب دولة خليجية
والسحر الطبيعي كله هناك
يعني لا ( للركب السوداء بعد اليوم )
(-_-) ما اقصد احد
تحياتي على هذا الطرح المنطقي .
اول شي يعطيكـ العافيه ياعاشق موضوع جميل وبمحله واسلوب رآئع من الكاتب
ونرجع لكلامك خيو ابن الفخر
انت بردك خرجت عن النص وماادري وين شطحت وش دخل الموضوع بهالكلام خاصة الركب السود؟؟
يوم تتكلم عن المغرب والله يالحبيب كل اللي تشوفهن وتشوف جمالهن مع احترامي بنات ليل ومراقص ..
مو بنات قيام الليل ...
واذا بنات السعوديه ركبهن سود والله ياخوك هذا مو عيب لا بالعكس هذا دليل العباده والصلاح بأذن الله ..
واذا منت متأكد أسأل عن هالمعلومه . وتبقى بنت السعوديه منك وفيك مهما كان ...وروح دور لك على مغربيه بس أسأل عن العرب اول ههههههه
يوم تتكلم عن المغرب والله يالحبيب كل اللي تشوفهن وتشوف جمالهن مع احترامي بنات ليل ومراقص ..
مو بنات قيام الليل ...
واذا بنات السعوديه ركبهن سود والله ياخوك هذا مو عيب لا بالعكس هذا دليل العباده والصلاح بأذن الله ..
واذا منت متأكد أسأل عن هالمعلومه . وتبقى بنت السعوديه منك فيك مهما كان ...وروح دور لك على مغربيه بس أسأل عن العرب اول ههههههه
الراقي لا فض فوك يا ابن الاصول راقي بأسمك وفكرك
انا فخوره اني في منتدى انت فيه
الله ع اللهجة و البساطة في نقل الفكرة ..
هؤلاء هم ابناء الحجاز أرض الرسالة و النور ..
اقتباس:
يعني لا ( للركب السوداء بعد اليوم )
(-_-) ما اقصد احد
و النساء ما لهم حق يقولوا وداعا للركب السود و العقول الفاصلة و ثقالة الدم و ضيقة الأخلاق << الرجل السعودي ؟؟؟
و رح نقيم ثورة شعارها البنات السعوديات يطالبون بضم تركيا للخليج
يعني لما تعلقوا على السعوديات دائما و تتمنوا أجنبيات ما تفكروا فينا بعد ..!!!!
مهما كان و مهما صار كل إنسان يتمنى بنت بلاده
عذرا خرجت عن الموضوع بس لازم أعلق ..
تحيتي
عاشق الأدب .......
ونقل رائع ...بطريقة أروع ......
ونحن في بلد يُحكّم كتاب الله وسنة نبيه ..صلى الله عليه وسلم ....
فلماذا نطالب ... بأكثر مماشُرع لنا ؟؟؟؟
....... القناعة نعمة ... ....
أما بخصوص الرجل المذكور بالأعلى في نصك (متأك إنو ...سعودي ..)<<<<<<<<<<<<نفسياً
اسمحلي ..مبالغ في وصفه بــ/المسكين ...المغلوب على أمره ......
مع إنو لو جينا للواقع ... كل اللي مسويه بألأعلى من واجباته ...
وخلينا أكثر صراحه ...........مايسويها كلها ..... لا واذا سواها ...فـ/ بدون رومانسيه .......
................................................................
اما بالنسبة للمرأة والسياسة .... والحقوق ...و....و.....
فأنا أرى أن كل انسان لما خلق له
.
.
.
وأما بالنسبة لابن الفخر ...ياأبو شفايف ورديه ....مثل ثلاث أرباع شباب السعودية ..............
أبشرك ...عينتكم مو مطلوبة هنا ............... روح المغرب ...بيستانسون عليك .............
احنا نبي الربع الباقي
........................
الراقي .....سلم فكرك ....
نرجوا الهدوء من الجميع أخواني واخواتي
وأن لاتخرج المشاركة عن النص اللائق
أخواني وأخواتي
بصراحة لم اجد الرد الذي يتكلم بالمنطق وأخذتكم الحمية والغيرة من كلام ابن الفخر
أقول للجميع أن ابن الفخر أخطأ في جزء من مشاركتة ولكم الحق في معاتبته بأسلوب أرقى من ذالك شوي
يعني وش فيهم بنات المغرب ماكل بلد فيها الصالح والطالح
ولا يرتبط الصلاح ببنات بلد معين دون الأخر والمفروض أن لاننعت بنات المغرب او اي دولة أخرى بأنهم بنات ليل أو أن نتكلم عن بنات بلدنا بهذا الأسلوب الخاطئ فالعتب على أخي ابن الفخر وأخي الراقي في حديثهم .
الأسلام أختى رقيقة لايتوقف على السعودية جميع أقطار الأرض أستطاع أن يصل لها الأسلام وهناك نساء عابدات وقانتات وهن مثال حسن للمرأة المسلمة الشريفة
أرجوا أن نعي أن المغرب دولة أسلامية واذا كان هناك قلة من الفساد الأخلاقي فهو موجود بكل بلد والنساء المسلمات في كل بلد
تم اغلاق الموضوع لخروج الجميع عن نص الموضوع الأساسي
حقوق المرأة .. باللهجة الحجازية الجميلة
العرض المتطور
